Pillado nas patacas un suposto incendiario Castroverde, Lugo

Os axentes de Medio Rural seguían a pista ao sospeitoso hai tempo ante a sucesión de incendios forestais na zona.

Investigación dun incendio en 2019 nunha imaxe de arquivo 

A Unidade de Investigación de Incendios Forestais (UIFO) da Consellería do Medio Rural esclareceu nas últimas horas un incendio rexistrado na parroquia de Serés, no municipio lucense de Castroverde, no que se chegaron a producir tres focos de lume.

Así, tras un operativo específico de vixilancia, tres axentes da UIFO sorprenderon 'in fraganti' na tarde deste xoves ao presunto incendiario, ao que tamén atribúen varios incendios rexistrados con anterioridade nesa zona.

 Grazas á rápida intervención dos axentes, o lume deste xoves quedou reducido a un conato de apenas 6 metros de superficie e que afectou só a chan agrícola, sen chegar a afectar o monte. Para a súa extinción mobilizáronse dous axentes, un brigada e unha motobomba, e as chamas quedaron sufocadas en menos de media hora.

A Consellería do Medio Rural reforzou o despregamento da UIFO estes días debido ás condicións meteorolóxicas e mantén, ata novo aviso, la prohibición de realizar queimas de restos agrícolas ou forestais por parte de particulares.