Costa Verde Express, novo tren turístico de luxo de Renfe entre Bilbao e Santiago de Compostela

As saídas do novo roteiro de 6 días e 5 noites empezan en maio e prolónganse ata outubro. Trátase dunha experiencia de luxo, pois os prezos dunha suite é duns 3.500 euros.

Suite de Luxo no folleto promocional do Costa Verde Express de Renfe 

Os trens turísticos de luxo de Renfe, O Transcantábrico Gran Luxo, o Tren Al Andalus, e o Expreso da Robla recuperarán a súa actividade tras a suspensión das viaxes previstas para as tempadas 2020 e 2021 debido á crise sanitaria.

Tal e como explica nun comunicado, en 2020 Renfe ofreceu aos seus clientes a posibilidade de obter un desconto do 5% sobre o PVP por cambiar as reservas xa realizadas para 2022.

Ademais dos trens turísticos de luxo, Renfe ten previsto volver programar trens de turismo temático que a compañía xestiona en colaboración con diversas institucións e entidades turísticas.

O Transcantábrico Gran Luxo manterá a súa proposta de viaxe entre San Sebastián e Santiago de Compostela a través da Cornixa Cantábrica.

Pola súa banda, o Tren Al Andalus, consolidado como un dos trens con maior arraigamento entre os turísticos de luxo do mundo, realizará o seu clásico itinerario andaluz; mentres que o Expreso da Robla ofrecerá dous roteiros relacionados co Camiño de Santiago.

Como novidade en 2022, Renfe comercializará un novo produto, o Costa Verde Express, que co Transcantábrico Gran Luxo e o Expreso de La Robla, realizará as súas viaxes polas vías de ancho métrico do norte peninsular.

As propostas de viaxe en calquera das saídas e itinerarios, tanto do Tren Al Andalus como do Transcantábrico Gran Luxo, as do Expreso de La Robla, e as do Costa Verde Express inclúen o aloxamento nunha confortable habitación, con cuarto de baño completo incluído, ademais dos desprazamentos que se fan en autobús e os guías para as excursións para as que se inclúen todas as visitas e entradas.