Estalido de positivos covid en residencias con brotes en Ferrol, Culleredo, O Barco, Mos, Láncara e outras localidades

Os casos activos de covid-19 nas residencias de Galicia case se cuadriplicaron nunha semana. Eran 107 o 5 de xaneiro e son 412 na actualización semanal que acaba de enviar a Xunta.

O colectivo de familiares REDE queixouse de que non se fixese PCRs aos traballadores á volta do nadal. O número de casos de coronavirus actual multiplica por 13 o de antes das festas.

Ademais dos brotes que xa se coñecían en Domusvi Bembrive e Raiola Ou Horreo de Santiago, hai bastante máis residencias con novos focos importantes. 

As que superan a decena de casos activos son Orpea de Culleredo (21 positivos), A miña Casa de Ferrol (36), A Veiga de Láncara (12), San Martín da Mezquita (13), Nosa Señora de Fátima do Barco (21), R.M. de Larouco (23), San Martiño de Nogueira de Ramuín (11), Virxe de Guadalupe de Mos (25), Pazós de Borbén (24).

Domusvi Bembrive tiña onte 80 casos e hoxe son 105. Raiola Ou Hórreo de Santiago tiña "máis de 15" onte e hoxe son 25. Política Social non parece disposta a intervir ningún destes dous centros, como lle pediu o colectivo de familiares Rede. 

A Xunta indicou onte que a maioría dos infectados neses dous centros está asintomático ou moi leve. Hai que lembrar que todos ou case todos os residentes de centros de Galicia xa recibiron a terceira dose.

Os 412 casos activos supoñen 13 veces máis que xusto antes das festas do Nadal, o 22 de decembro.  En residencias de discapacidade hai 11 casos a activos de usuarios. 

A lista de todos os casos activos en residenciasque acaba de difundir a Administación é a seguinte: 

• 2 usuarios residencia Claudina -Somoza (A Coruña )
• 1 usuario V.C. Sant Yago 2 (A Coruña)
• 1 usuario F. R. Bellolar (A Coruña)
• 2 usuarios R. O Pilar (Bergon)
• 21 usuarios R. Orpea (Culelre)
• 5 usuarios R. Clece Vitam Bastiagueiro (Oleiros)
• 36 usuarios R. A miña Casa Ferrol
• 3 usuarios R. DomusVi Narón
• 5 usuarios R. de Ordes
• 2 usuarios V.C. A Paz II (Outes)
• 25 usuarios R. Raiola Ou Hórreo (Santiago)
• 6 usuarios R. San Vitorio (Baralla)
• 2 usuarios s Ap. T.S. San Vitorio Baralla
• 1 usuario R. Castro Ribeiras Lea
• 1 usuario R. San Cibrao (Cervo)
• 1 usuario R. San Salvar (Guntín)
• 12 usuarios R. A Veiga (Láncara)
• 1 usuario R. Santa María Meira
• 2 usuarios R. DomusVi Lugo (Outeiro de Rei)
• 5 usuarios R. Valauro
• 1 usuario R. Nsa Sra Villanueva (Allariz)
• 1 usuario F.R. Vía Prata (Amoeiro)
• 13 usuarios R. San Martín A Mezquita
• 21 usuarios R. Nosa Sra de Fátima (O Barco de Valdeorras)
• 1 usuario F.R. Carballe 1
• 3 usuarios R. Municipal de Chandrexa
• 1 usuario R. Esgos
• 23 usuarios R. M. Larouco
• 1 usuario R. Nsa Sra. Viso (Lobeira)
• 8 usuarios R. Val Monterrei
• 11 usuarios R. San Martiño (Nogueira de Ramuín)
• 2 usuarios R. Alame (Ourense)
• 1 usuario R.A. Divino Mestre (Ourense)
• 1 usuario R. Pobra de Trives
• 1 usuario R. Xeriátrica San Cosme (Rubiá)
• 2 usuarios Fogar Santa María (Verín)
• 5 usuarios R. Marín
• 6 usuarios R. DomusVi Ribadumia
• 1 usuario R. Pontevedra (Vilaboa)
• 7 usuarios R. Divina Pastora (Vilagarcía de Arousa)
• 1 usuario R. DomusVi Cangas
• 1 usuario R. Santa Teresa (A Cañiza)
• 25 usuarios R. Virxe de Gualupe (Mos)
• 24 usuarios R. A miña Casa de Pazos de Borbén
• 105 usuarios R. Bembrive
• 3 usuarios R. Santa Marta (Vigo)
• 9 usuarios F.R. Vistahermosa (Vigo)