Mersant, que traballa para a Xunta, Concello da Coruña e Consorcio de Santiago, non paga as nóminas, denuncia USO

O sindicato Federación de Traballadores de Seguridade Privada da USO (FTSP-USO) segue coas súas protestas contra Mersant Vixilancia. A central acusa á empresa, que traballa con numerosas administracións do país, de "falta de pagamento das súas nóminas".

A compañía pediu "compresión" e "paciencia" aos seus traballadores pois o problema liquidarase "nun curto período de tempo".

Coche de Mersant nunha imaxe de arquivo de EP 

USO pide aos clientes  que "se involucren para buscar unha solución á situación que están a vivir estes traballadores" e que "inicien todos tramítelos legais necesarios para a rescisión de contratos con esta empresa incumplidora e adxudiquen estes servizos a outras empresas solventes do sector da Seguridade Privada".

Aínda que Mersant traballa sobre todo para a Administración do Estado e en Andalucía, tamén ten contratos en Galicia. 

CONTRATISTAS EN GALICIA

Por exemplo,  gañou un concurso de máis de 2 millóns para o Servizo de vixilancia e seguridade nos edificios e instalacións de 17 centros prestadores de servizos sociais dependentes da Consellería de Política Social. O contrato era por un ano, pero permitía a prórroga e na Plataforma de Contratación non figura un novo. 

En 2019 gañou un contrato para a vixilancia do centro Ágora do Concello da Coruña. O ano pasado gañou o concurso para o servizo de vixilancia e seguridade dos edificios de o Consorcio da Cidade de Santiago .

Mersant, mantén ademais unha débeda de 3 millóns coa Facenda estatal, segundo USO. Algo que lle impediría seguir contratando no futuro coas administracións. 

COMUNICADO DA COMPAÑÍA

Mersant non respondeu publicamente ás sucesivas acusacións de USO, quen en decembro xa alertou de falta de pagamentos. Con todo, o sindicato Solidariad publicou estes días un comunicado interno da empresa na que se recoñecen falta de pagamentos, pero só de "pagas extras na súa totalidade" debido ao "momento delicado da empresa", que pide "compresión" aos seus asalariados.

O calendario de mobilizacións anunciadas polos traballadores é o seguinte:

•  14 de Xaneiro: Edificio Administrativo Xunta de Galicia en rúa San Caetano, Santiago de Compostela. Horario: 11.00 a 13:00 horas.
•  21 de Xaneiro: Concello da Coruña en Praza María Pita,1. Horario: 11:00 a 13:00 horas.
•  28 de Xaneiro: Edificio do Consorcio da cidade de Santiago de Compostela en Rúa do Vilar, 59. Horario de 11:00 a 13:00 horas.