A Policía Nacional atopa e devolve a campá roubada da igrexa de San Pedro de Leixa, en Ferrol​

A peza foi sustraida o mes pasado do campanario do templo ferrolán, onde xa se atopa a campá. 

O sacerdote da parroquia, Cándido Otero, quixo agradecer o labor realizado polos axentes das Forzas e Corpos de Seguridade do Estado

Campá roubada | Foto: EP

Axentes da Policía Nacional pertencentes á Comisaría de Ferrol-Narón lograron recuperar a campá da igrexa parroquial de San Pedro de Leixa, en Ferrol, que fora roubada a finais do pasado mes de novembro.

O obxecto xa foi entregado ao sacerdote desta parroquia, Cándido Otero, que quixo agradecer o labor realizado polos axentes das Forzas e Corpos de Seguridade do Estado.

En concreto, trátase dunha peza de fundición dun tamaño reducido, en comparación coas doutras igrexas da Diocese de Mondoñedo-Ferrol, o que, precisamente, facilitou aos ladróns o poder levar este elemento.

A desaparición da campaña da igrexa de San Pedro de Leixa motivou unha gran indignación por parte de moitos cidadáns, tanto deste lugar como doutros de Ferrolterra.