Toda muller migrante, con papeis ou sen eles, está amparada pola lei contra a violencia machista, dita o Goberno​

Neste 25 de novembro, Día Internacional da Eliminación da Violencia contra a Muller, o Ministerio de Inclusión ditou esta nova normativa que protexe ás vítimas. 

Desta forma, a través dunha instrución ás Oficinas de Estranxeiría un criterio único ante as diferentes interpretacionese.

Manifestación contra a violencia machista | Foto: EP

O Ministerio de Inclusión, Seguridade Social e Migracións ditou este xoves unha instrución dirixida ás Oficinas de Estranxeiría pola que se clarifica que todas as mulleres estranxeiras, independentemente da súa situación administrativa (regular ou irregular) quedan amparadas pola Lei de Medidas de Protección Integral contra a Violencia de Xénero.

O departamento que dirixe José Luis Escrivá, recoñece nun comunicado, recollido por Europa Press, que aínda que a Lei Orgánica de Estranxeiría regula a residencia temporal e traballo para mulleres estranxeiras vítimas de violencia de xénero, recoñecendo a súa situación de "extrema vulnerabilidade", a interpretación que viña facendo deste precepto era "desfavorable" nalgúns casos.

En concreto, segundo destalla o Ministerio, para aquelas estranxeiras que se atopan en España en situación regular, cunha autorización vinculada á do seu agresor ou en situación de estancia.

Como exemplo, o Ministerio pon ás mulleres familiares ou cónxuxes dun estudante ou investigador. Considérase que están en situación irregular, pero é o home (e neste caso o suposto agresor) o titular ou a fonte de ingresos para acreditar a tenencia de medios económicos suficientes para a estancia.

"Nestes casos, a interpretación restritiva da Lei de Estranxeiría podería desincentivar a denuncia por medo a perder a súa situación documental", explicou Inclusión.

CIDADÁS EUROPEAS

Ademais, a instrución da Secretaría de Estado de Migracións clarifícase a normativa para as mulleres vítimas de violencia de xénero de Estados membros da Unión Europea e doutros Estados parte no Acordo sobre o Espazo Económico Europeo.

"Aínda que a normativa en vigor protexe ás mulleres que teñen tarxeta de familiar de comunitario (e especifica que manterán o seu dereito de residencia en casos de violencia de xénero), non se clarificaba expresamente en que situación quedaban as cidadás europeas vítimas de violencia machista", indicou o departamento de Escrivá.

Neste sentido, o Ministerio apunta que, á hora de expedir esta autorización excepcional para vítimas de violencia de xénero, a situación de malos tratos considerarase xustificada de maneira provisional cando exista unha orde de protección ao seu favor ou informe do Ministerio Fiscal no que se indique a existencia de indicios de violencia de xénero, e con, carácter definitivo, cando recaese resolución xudicial da que se deduza que se produciron as circunstancias alegadas.

O contido da Instrución acordouse e valorado positivamente pola Delegación do Goberno contra a Violencia de Xénero.