Guardapescas da Confraría de Noia operan á marxe da Lei de Seguridade Privada, denuncia FTSP-USO

O sindicato FTSP-USO denuncia á Confraría de Pescadores de Noia ante a Delegación do Goberno polo que ve como graves violacións en materia de Seguridade Privada.

Lonxa do porto de Testal de Noia nunha imaxe de arquivo durante unha visita do presidente da Xunta  

En concreto, a Federación de Traballadores da Seguridade Privada do Sindical Sindical Obreira (FTSP-USO) denunciou ante a Delegación do Goberno en Galicia á Confraría de Pescadores de San Bartolomé  por intrusión profesional e prestación de servizos de seguridade.

A central indica que a Confraría estaría a vixiar o depósito con persoal non habilitado polo Ministerio do interior, incumprindo gravemente a Lei 5/2014 de Seguridade Privada. 

Desde  FTSP-USO alegan que falsos vixiantes executan funcións de seguridade, vixilancia e control do furtivismo, que advirten poden supoñer sancións que poden ascender a aproximadamente a 30.000 euros, tanto para a Confraría como as persoas que realizan  os servizos mencionados.

Por tanto, solicitaron á Delegación do Goberno dar ordes para conseguir o cesamento inmediato desta actividade "ilegal".