Sofre un ataque epiléptico ao volante en Ribeira cando viaxaba co seu fillo

Afortunadamente o turismo non circulaba a demasiada velocidade por estar a atravesar nese momento o centro da vila.

Dúas persoas resultaron feridas leves nun accidente no concello coruñés de Ribeira, ao sufrir o condutor do vehículo un ataque epiléptico.

Ao redor das 14,50 horas deste domingo, segundo informou o propio Concello, o vehículo saíase da vía ao seu paso por unha rotonda no paseo das Carolinas.

Tanto o municipio como o 112 sinalaron que o condutor sufriu un ataque epiléptico e que, tanto el como o seu fillo, que o acompañaba no coche, foron trasladados ao Hospital da Barbanza con feridas leves.

Ademais dos servizos sanitarios, interviñeron a Policía Local e os Bombeiros de Ribeira.