​Estafas de phishing deixaron ducias de clientes de ABANCA con buracos de ata 150.000 euros ou sen aforros

|

Desde o despacho 'Pérez-Lema Avogados e Consultores' admiten levar nestes momentos ducias de denuncias de afectados polas ciberestafas.


Onte celebrouse un encontro entre o bufete e afectados que reuniu a máis dunha trintena de afectados que estudan como actuar nestes casos, aínda que os avogados sinalan a responsabilidade de ABANCA, entidade á que pertencen moitos afectados, ante estes casos.


Arquivo - Un home pasa á beira dunha sucursal de Abanca, en Madrid, (España), ao 10 de setembro de 2020.

Sucursal de ABANCA | Foto: EP


O aumento das ciberdelincuencia está a provocar colapsos non só nas comisarías, senón tamén nos bufetes de avogados. É o caso do despacho 'Pérez-Lema Avogados e Consultores', que onte reuniu en Santiago ce Compostela a “preto de 35 persoas, a título individual e en representación doutras persoas” victimas de casos de phishing, un tipo de estafa que creceu considerablemente na comunidade no último ano e medio.


Coñécese por phisinh a suplantación de identidade dun banco ou outra institución que busca coñecer as claves dos usuarios para acceder así ao diñeiro da súa conta. O pasado verán rexistrouse unha onda de operacións deste tipo en Galicia. En moitos casos, os afectados son un gran número de clientes de ABANCA vítimas do phishing, unha práctica que “levou a estas persoas para perder importes en ocasións superiores aos 150.000 euros ou a totalidade do aforro das persoas afectadas”.


Agora tratan de “agrupar baixo unha única dirección letrada” ao groso dos afectados “ de forma que ninguén se vexa privado de presentar unha reclamación xudicial por este problema por falta de fondos”. “Tamén se acordou agrupar as reclamacións, que irán pola vía civil, segundo tipoloxías a fin de reducir custes procesuais e de todo tipo”, sinalan desde o despacho.


Ademais, os avogados inciden en que ABANCA “non pode poñerse de perfil” por estes casos, máis aínda cando a súa aposta é a banca en liña e condiciona o peche de oficinas. “Debe, segundo a lexislación vixente, demostrar a súa dilixencia para evitar que se produzan este tipo de fraudes entre os seus clientes”, advirten


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE