Vázquez recorrerá ao TSXG a proclamación de Vidán como presidente do Colexio de Médicos da Coruña

A candidatura de Abel Vázquez González presentará recurso contra a recente decisión da Xustiza en primeira instancia  de desestimar a súa demanda sobre as eleccións do Colexio de Médicos da Coruña. Así o asegura nun comunicado o colectivo COMC Alternativa nun comunicado.

Por tanto, a batalla polas eleccións ao colexio coruñés chegará, polo menos, ata o TSXG. Oficialmente, os comicios de 2019 gañounos o xa por entón presidente, Luciano Vidán, polo menos en parte porque Vázquez González retirou a súa candidatura pouco antes das votacións, aludindo irregularidades no voto por correo, entre outros aspectos.

ABEL VAZQUEZ GONZALEZ 

O que falla o Xulgado do Contencioso é que non houbo irregularidade cando o Consello de de Colexios Médicos de Galicia declarou vencedor a Vidán debido a que hai unha "carencia sobrevinda de obxecto", ao retirarse a candidatura rival. A maxistrada María Pedreira non chega a pronunciarse se Vázquez tiña razón ou non ao denunciar irregularidades. De feito, a xuíza non condena en costas aos demandantes. 

Iso si, tampouco accede aos seus pretenciones de que se convoquen unhas novas eleccións, declarando nulo o proceso. Vázquez argumenta que houbo irregularidades na validación do voto por correo e na custodia de urnas. "As cousas fixéronse ben, con transparencia e limpeza" rebateu Vidán en declaracións a A Voz tras coñecer a sentenza.