Megasa, que comprou plantas recentemente en Portugal, para unha quenda na planta de Narón pola subida da luz

Alcoa, AluIbérica, Ferrotlántica e agora Megasa. A lista de fábricas galegas con problemas debido polo menos en parte ao prezo da enerxía non para de crecer.

Unha pasada protesta dos traballadores de Megasa Narón nunha foto de Traballalcoruna Twitter 

A dirección da siderurgia Megasa, asentada en Xuvia, Narón (A Coruña), trasladou aos seus operarios que á menor "brevidade" suspenderá a produción na quenda de mañá debido aos custos enerxéticos. Dita medida foi traslada á parte social este venres, 15 de outubro, segundo fontes consultadas por Europa Press.

Dita empresa está catalogada como electrointensiva, debido á cantidade de enerxía eléctrica que utiliza para transformar chatarra en aceiro corrugado de barra, en rolo salvaxe e alambrón, nun amplo rango de calidades.

Esta media foi xustificada desde a parte empresarial polo alto custo alcanzado pola electricidade, que se traduciu nun encarecemento moi considerable da produción.

En Narón Megasa conta con outra empresa, Megamalla, emprazada no polígono industrial de Río do Pozo, dedicada á fabricación de malla electrosoldada de aceiro, cuxa produción procede de aceiro corrugado laminado en quente, en barra ou bobina.

POLÍTICA DE EXPANSIÓN EN PORTUGAL
A empresa fundada a mediados da década dos sesenta polos irmáns Freire, orixinarios das Somozas (A Coruña), expandiuse nos últimos anos, primeiro coa compra de varias plantas en Portugal, onde conta con ata tres centros de produción e outro de reciclaxe de chatarra, mentres que desde o 2016 son os propietarios doutra fábrica en Zaragoza e unha planta tamén de recuperación en Valencia, adquirida esta última no ano 2012.