A Conferencia “volante” do PP e o liderado de Pablo Casado

Só lle fallou a Casado a viaxe promocional de Ayuso aos Estados Unidos, onde se excedeu claramente nas súas competencias como presidenta de comunidade, nos límites establecidos na lei de acción exterior

Este sábado terminan as xornadas “volantes” da Convención do PP, onde Pablo Casado quixo mostrar á cidadanía o seu liderado, a cohesión do partido e que está “preparado” para gobernar. Tamén que para iso conta co apoio de todo o partido, despois da tormenta levantada pola presidenta da comunidade madrileña, Isabel Díaz Ayuso, que lle botou un órdago en formato de liderado dos populares madrileños. Só lle fallou a Casado a viaxe promocional de Ayuso aos Estados Unidos, onde se excedeu claramente nas súas competencias como presidenta de comunidade, nos límites establecidos na lei de acción exterior para a actividade internacional das comunidades autónomas. O artigo 3 da lei fala da necesaria lealdade entre administracións en temas de acción exterior, e no artigo 11 alude a que as comunidades han de someterse aos instrumentos de planificación que deseñe o Estado na súa acción exterior, artigos e situacións que Ayuso non tivo en conta. Seguramente, visto o que sucede co goberno catalán, pensaría que ela non é menos. Pero logo non se corta á hora de criticalo.

Casado, nesa estratexia de unidade e liderado popular, convidou na primeira xornada a Mariano Rajoy, cuxas relacións non é que fosen moi amigables. Ninguén creería, hai menos dun ano, que o expresidente fose o primeiro invitado a participar. Na súa intervención, Rajoy sinalou que “para facer unha boa política económica hai que esquecerse dos eslóganes, a demagoxia e o sectarismo”. As súas palabras non pasaron desapercibidas para os asistentes.

Como Rajoy e Aznar son incompatibles, pero necesarios para contentar aos distintos sectores “compactos” do partido, noutra xornada, fixo a súa actuación estelar o tamén expresidente José María Aznar que, como sempre, non deixou a ninguén indiferente, polas súas formas e contido. O expresidente do bigote afirmaba que “non hai nada peor que unha político marioneta ao servizo da ditadura de tiranías culturais, ou as redes sociais”. Reclamou para el a autoría de que o seu PP “era de centro e reformista” e animou ao partido para defender a súa ideoloxía sen complexos.

Moitos foron os nomes dos participantes nesta convención, quizais o que máis chamou a atención o expresidente francés Nicolas Sarkozy que como unha estrela de rock entraba triunfar no auditorio. A súa actuación non defraudou aos presentes. vaticinou que Casado chegará a ser presidente do goberno e criticou á Unión Europea á que acusa de ser inmobilista e non tomar decisións. A invitación a Sarkozy, político que está condenado por corrupción, foi a nota negativa da Conferencia. Mentres que a presenza de Vargas Llosa -uno dos intelectuais que apoiou a Cidadáns nos seus inicios e que agora manifestou publicamente que votará ao PP- veulle moi ben ao aspirante á Moncloa.

Ata a mismísima Esperanza Aguirre, que mostrou a súa preferencia por Ayuso para dirixir o PP madrileño, non quixo perderse o conclave e demostrar o seu “apoio” ao líder Casado. Xa se sabe que Aguirre adoita dar unha de cal e outra de area aos xefes do partido e non desaproveita calquera ocasión para ter protagonismo.

Servirá de algo a Convención do PP? Para os organizadores si. O obxectivo é desgastar a Pedro Sánchez para que, cando cheguen as eleccións, poida chegar á presidencia do Goberno. Se iso producísese sería co apoio de Vox. Claro que tal e como ten o panorama con Ayuso,e o tempo que falta, case tres anos, para poñer as urnas, facer predicións é como mirar unha bóla de cristal. E iso que o goberno bicéfalo estallo poñendo moi fácil.