Médicos de familia forzados a golpe de burofax a traballar sen descanso no PAC de Ribeira

A Xunta admite que tivo que tirar de requirimento escrito para obrigar aos galenos para traballar máis aló do seu horario. 

A CIG alerta que os médicos non están a descansar o necesario, algo que loxicamente ten consecuencias na calidade asistencial.

PAC do SERGAS en Ribeira nunha imaxe de Google Street View 

CIG-Saúde do Barbanza denunciou que o persoal facultativo do centro de saúde de Ribeira é "obrigado" a cubrir as gardas no PAC "a golpe de burofax" e solicitou a dimisión dos responsables da xerencia sanitaria compostelá, polo que ve "unha mala xestión" do centro de Atención Primaria.

VERSIÓN DO SINDICATO

Segundo relatou, durante boa parte do verán e, "máis a miúdo nestas últimas fins de semana", a Xerencia "está a obrigar aos traballadores" de Primaria do centro de saúde a "realizar gardas ese mesmo sábado e domingo tirando e burofax, entre as 14,00 e as 15,00 horas.

O sindicato, que alerta da "falta de persoal", censura esta práctica e que "non se respecten os descansos" dos traballadores.

VERSIÓN DA XUNTA

Consultada a área sanitaria, trasladou a Europa Press que se tratou de "unha medida puntual, empregada en casos excepcionais, unha vez esgotadas todas as opcións habituais para cubrir as baixas imprevistas".

"Recorreuse á obrigatoriedade, previamente comunicada telefonicamente, ante a absoluta indispoñibilidade de facultativas que puidesen realizar a garda e por razóns imperiosas de necesidade asistencial, para poder garantir a asistencia sanitaria á poboación", explicaron as fontes sanitarias.