Institucións e empresas do Pacto Social da provincia de Ourense traballan en empregabilidade e "reconstrución verde"

|

Mellorar a capacitación dos traballadores e detectar as necesidades económicas locais serán claves para a fase de recuperación económica tras superar a pandemia.


Mesa de traballo Emprego Pacto Social AquaOurense (1)

Mesa de traballo sobre emprego de o Pacto Social promovidapor AquaOurense 


O Pacto Social, impulsado por AquaOurense, a UTE formada pola Deputación de Ourense e Viaqua,  celebrou a primeira mesa de traballo do eixo Emprego, na que participaron as principais entidades do armazón social da provincia, como, por exemplo, a ONCE, a Asociación Empresarial do Polígono de San Cibrao , Campus da auga da Universidade de Vigo, Inorde, CEGASAL, Confederación de Empresarios de Ourense, Deputación de Ourense e AquaOurense. 


Todas as entidades participantes compartiron a necesidade de traballar en conxunto para detectar as necesidades locais e crear un plan de acción común para mellorar a empregabilidade na provincia, co obxectivo de contribuír a unha sociedade máis xusta e equitativa promovendo o emprego de calidade, a igualdade de oportunidades, a accesibilidade e a inclusión, así como o desenvolvemento do talento e a empregabilidade.


O Pacto Social seguirá mantendo mesas de traballo periódicas, onde se acordarán plans de acción con iniciativas concretas que contribúan á recuperación económica e social da provincia de Ourense. Actualmente, está a instalarse a mesa de traballo do eixo Reconstrución Verde, cuxa primeira reunión realizarase previsiblemente en outubro.


 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE