Desaparecida unha muller, Alicia Santalla, de 52 anos en Ferrol

Unha muller de 52 anos, veciña do barrio de Santa Mariña, en Ferrol, permanece desaparecida desde este luns, 13 de setembro, segundo alertou a Asociación SOS desaparecidos.

No momento da desaparición, a muller portaba un chaquetón granate e un bolso negro. Ademais, mide 1,63 metros e ten o pelo negro.

Se algunha persoa pode ofrecer algún dato sobre o seu paradoiro, pódeo comunicar á Policía Nacional, Policía Local ou a Garda Civil, ademais de mediante a entidade SOS Desaparecidos.

Adicionalmente, pódese achegar información sobre o paradoiro desta muller a través da dirección de correo electrónico info@sosdesaparecidos.es