Cuarto galego morto en accidente de tractor en pouco máis dun mes tras un accidente en Castro de Rei

Os sinistros de tractores son un dos grandes motores da mortalidade entre os traballadores rurais. 

Só nas últimas semanas houbo falecementos en Maceda, Culleredo e Vilamaior. Ademais, houbo polo menos outros tres feridos hospitalizados no mesmo período.

Imaxe de arquivo de tractores

Unha persoa faleceu este venres tras quedar atrapada baixo un tractor nunha leira situada  en Castro de Rei (Lugo).

Segundo detallou o 112 Galicia, os feitos tiveron lugar pouco antes das 12,00 horas, cando os profesionais de Urxencias Sanitarias de Galicia-061 alertaron do accidente.

Deste xeito, os xestores do Centro Integrado de Atención ás Emerxencias (CIAE 112 Galicia) solicitaron a intervención dos Bombeiros de Vilalba e dos axentes da Garda Civil.

Unha vez no lugar, os servizos sanitarios confirmaron o falecemento da persoa accidentada, que tivo que ser liberada do vehículo polos bombeiros.