Así é o aforo para eventos deportivos en Galicia segundo as novas normas publicadas hoxe

O Diario Oficial inclúe hoxe venres as novas medidas para as competicións deportivas. O público, sempre sentado, poderá, no mellor dos casos, ocupar o 75% do aforo.

DOUS TIPOS DE AFOROS

No nivel de restricións máximo, aquelas celebradas en instalacións cunha capacidade máxima permitida ata 1.500 persoas, poderán desenvolverse sen superar o 50% do seu aforo.

Iso si, neste nivel máximo,  o público asistente debe estar sempre sentado, garantindo 1,5 metros de separación entre grupos de persoas non conviventes e cun límite máximo de 250 persoas para lugares pechados e de 500 persoas en actividades ao aire libre.

No resto de niveis, poderán desenvolverse sen superar o 75% da capacidade permitida, sempre que o público permaneza sentado, con 1,5 metros de separación entre grupos de persoas non conviventes e cun límite máximo de 500 persoas para lugares pechados e de 1.000 persoas para actividades ao aire libre.