Unha tonelada de cocaína destino Vigo incautada nun contedor de conxelados procedente de Ecuador

A droga saíu de Manta, Guayaquil, procedente de Ecuador nun contedor que atracou en Valencia e foi descuberta nun almacén.

 
A Axencia Tributaria, nunha operación conxunta coa Policía Nacional e a Garda Civil, incautouse de 1.100 quilogramos de cocaína nun contedor que se atopaba nunha nave de Valencia, e cuxo destino final era Vigo, segundo informaron fontes da investigación.

O   estupefaciente estaba escondido cun sofisticado sistema de ocultamento no teito e no chan da estrutura dun contedor, que entrou en España polo Porto de Valencia. O envío procedía de Manta, Guayaquil (Ecuador).

PROCEDENTE DE ECUADOR
A investigación iniciouse cando os axentes tiveron coñecemento de que unha organización criminal ía recibir en España unha importante partida de cocaína procedente de Manta, Guayaquil.

Froito de varias pescudas, os axentes confirmaron que o contedor, cargado de alimentos conxelados e, ademais, coa droga no seu interior, xa chegara ata o Porto valenciano. Unha vez en España, foi trasladado en camión ata unha empresa en Valencia, onde foi descargado e almacenado nunha zona de depósito de contedores.

Con esa información os axentes interviñeron o contedor e lograron extraer a droga que se atopaba oculta na estrutura do recipiente.