Este día 5 de agosto, xoves, pasará á historia do mundo do fútbol e en especial para os seguidores do Barça. Joan Laporta, presidente do club azulgrana, anunciaba a marcha de Leo Messi por cuestións económicas que lle impiden inscribilo na liga e convocaba para o día seguinte unha rolda de prensa para explicar o sucedido. A marcha de Leo foi unha noticia bomba cando horas antes esperábase o anuncio da firma do novo contrato. Todo cambiou en poucas horas.

Arquivo - Lionel Messi deixa o FC Barcelona

Arquivo - Lionel Messi deixa o FC Barcelona / ep

En rolda de prensa, Laporta empezaba botándolle a culpa á “nefasta xestión” da anterior directiva que deixou débedas e levou ao club a unha situación moi complicada. “Recibimos unha herdanza nefasta e a masa salarial deportiva representa o 110% dos ingresos do club. Non temos marxe salarial. As normas que rexen LaLiga marcan unhas limitacións", explicou o presidente, quen insistiu na falta de flexibilidade da liga. Ás preguntas dos xornalistas, non se saíu do guión estudado nin cando lle preguntaron sobre a posibilidade de esgotar os prazos marcados. A decisión estaba tomada e parece que os afeccionados non deben facerse ilusións: Leo Messi deixa o Barça e todo fai pensar que o seu próximo equipo está en Francia, o PSG, onde lle espera o seu amigo Neymar, co que compartiu algunha comida en Eivissa este verán.

O que se comprobou nesta catarse do Barça é que Laporta incumpriu a súa promesa estrela electoral: Messi seguirá no Barça, promesa que non se cumpriu e pasará á historia por ser o presidente que botou “” ao mellor xogador do mundo. Non é a única mentira do habilidoso Laporta, A situación económica coñecíaa. Esta é unha escusa de mal pagador, como se adoita dicir. Ademais “a mellor defensa é un bo ataque”.

Laporta era coñecedor, como o resto de candidatos destas pasadas eleccións, da situación económica do club

Laporta era coñecedor, como o resto de candidatos destas pasadas eleccións, da situación económica do club, e a saída que deixara Bartomeu para solucionar os temas. O agora presidente tivo tempo suficiente para buscar unha solución económica do club que garantise a permanencia do Leo no equipo. Non quixo facelo polos motivos que só el coñece, xa que o xogador arxentino había aceptado as propostas do club, onde se atopaba moi a gusto e ademais pola súa familia que non quere marcharse de Barcelona. Os seus fillos están moi integrados e xa se sabe que a familia tira moito.

Con este panorama estival, e a punto para empezar LaLiga, Laporta xa deu, como era de esperar, o seu primeiro gran golpe- amen de colocar aos seus parientas e amigos no club e enviar á rúa a uns cuantos executivos e traballadores-, e non será o único.

Agora toca esperar a que fale Messi, despois os seus xa excompañeros e por último, ou á vez, o expresidente Bartomeu, que terá que responder das graves acusacións de Joan Laporta. Un culebrón que se vai a prolongar durante un bo tempo. A serpe de verán xa saíu e promete ser entretida.