Un incendio forestal en Carballeda corta a vía do tren temporalmente e xa queimou 100 hectáreas

O lume de Sobradelo, municipio de Carballeda en Ourense, prendeu esta tarde e xa queimou o equivalente a 150 campos de futbol regralmentarios, aproximadamente

O Administrador de Infraestruturas Ferroviarias (ADIF) xa restableceu a circulación de trens entre O Barco e Ponferrada (León) que se viu afectada por un incendio forestal rexistrado este sábado en Carballeda de Valdeorras (Ourense) e que leva calcinadas polo menos 50 hectáreas.

En concreto, a Consellería solicitara o corte da catenaria por motivos de seguridade e ADIF suspendera o servizo ferroviario entre Quereño --municipio de Rubiá-- e O Barco, correspondentes ao traxecto León-Monforte de Lemos. Mentres tanto, proporcionouse transbordo por estrada aos usuarios deste tramo.

As últimas informacións de Medio Rural apuntan a que o incendio se orixinou na parroquia de Sobradelo na tarde deste sábado, sobre as 16,35 horas, e que leva arrasadas xa 50 hectáreas.

Para o control deste lume forestal, traballan catro axentes, 11 brigadas, cinco motobombas, unha pa, tres avións e sete helicópteros.