Sebastián Yatra colga o 'Non hai billetes' no ciclo Vos Sons do Mar de Sanxenxo

Sebastián Yatra, Omar Montes, Ana Mena e Vanesa Martín visitarán a localidade pontevedresa este verán con motivo do festival.

Para o primeiro dos concertos, de Sebastián Yatra o próximo 10 de xullo na Praza do Mar, xa non quedan entradas á venda.

Sebastián Yatra | Foto: EP

Cada verán miles de turistas achéganse a Sanxenxo a gozar das súas praias e a súa gastronomía, pero este verán tamén o farán para ver a algúns dos mellores artistas do panorama musical. Os días 10, 11 e 16 de xullo, polo municipio sanxenxeiro pasarán nomes que ocupan o número uno tanto en vendas como en reproducións, o que explica que algún dos concertos xa esgotase todas as localidades.

É o caso do concerto de Sebastián Yatra, que o día 10 actuará na Praza do Mar e que xa vendeu todos os billetes. O cantante colombiano é unha dos grandes atractivos do ciclo de concertos Vos Sons doMar, que ten o obxectivo de afianzarse como unha cita anual e esperada polos máis festivaleros.

A Yatra hai que engadir o concerto que celebrarán de forma conxunta Omar Montes e Ana Mena o próximo 11 de xullo e o da malagueña Vanesa Martín o 16 de xullo, que pechará o ciclo. Un ciclo que, cabe destacar, pola emerxencia sanitaria ha renunciado á contratación de artistas da talla de Maluma ou Rosalía, en prol de antepoñer a seguridade dos asistentes coa redución do aforo. 

Ademais, cabe destacar o carácter reivindicativo do evento, moi ligado á conservación do medioambiente, en especial dos nosos mares. Desta forma, parte das ganancias irán destinadas a Ecomar, que empelará eses fondos nos traballos que desenvolve na costa galega para a limpeza dos seus mares e praias, retirando o plástico e os residuos tan contaminantes para a contorna como para a fauna.