As celebracións en Lugo e Granada polo ascenso a ACB do Río Breogán en vídeos

O Club Baloncesto Breogán consegue o seu segundo ascenso a ACB en tres anos, desatando a xolda tanto no pavillón do Covirán Selecta como nas rúas da capital lucense.

O Río Breogán proclamouse campión este domingo da LEB Oro para lograr o ascenso deportivo á liga Endesa, despois de dobregar con autoridade (57-83) ao Covirán Selecta no terceiro e definitivo partido da final.

O capitán Salva Arco, con todo, non levantou o trofeo que lles distingue como campión da LEB.

Arco tivo un detallazo e cedeu tal honra aos irmáns Quintela, Sergi e Erik, dous lucenses para os que o ascenso ten unha significación especial, como explica o capitán ás cámaras da CRTVG:

Sergi Quintela pola súa banda bota a mirada atrás e compara as bágoas de alegría desta tempada coas bágoas de tristeza cando descenderon de ACB:

A festa en Lugo empezou en canto acabou o partido. Os que non puideron viaxar a andalucía molláronse nas rúas de Lugo.

O que se mollou tamén e moito, foi Diego Epifanio Cabornero, que devolveu ao club a ACB tras coller o equipo na temporaada pasada.

O equipo de Diego Epifanio varreu ao cadro andaluz cun 3-21 de inicio. Roope Ahonen e Erik Quintela martillearon o aro rival e os galegos dominaron ademais o rebote. O colchón foi suficiente para que o Breogán levase as rendas do choque.

Con 29-49 ao descanso, os lucenses non despistaron a súa gran actuación e aumentaron mesmo a súa máxima renda con Kevin Larsen. O Covirán Selecta viuse sen reacción posible, enredado en ataque pola precipitación e un doloroso 30-63 no marcador, que non trouxo milagre andaluz no último cuarto.

Caían así os andaluces, que se puxeron por diante no final pero que non se souberon recuperar da axustada derrota en Lugo.

A noticia do ascenso do conxunto galego ha suscitado todo tipo de reaccións na comunidade, entre elas de mandatarios políticos como o presidente da Deputación de Lugo, José Tomé Roca, e o presidente da Xunta, Alberto Núñez Feijóo.

Tomé Roca trasladou a súa felicitación no seu nome e no da corporación provincial tanto aos xogadores como ao equipo técnico e á directiva, ademais da afección do equipo lucense.

"Os valores e o traballo do Breogán son un orgullo para a provincia e para todos os lucenses, demostrando que os obxectivos marcados poden alcanzarse con esforzo constante", indicou.

Pola súa banda, Feijóo valorou a noticia a través da súa conta de 'Twitter', na que aplaude "a gran vitoria" do conxunto galego.

"O baloncesto galego volve traernos unha nova noticia. O Breogán de Lugo regresa á liga Endesa despois dunha gran vitoria esta tarde ante o Fundación CB Selecta. Felicitacións a todo o equipo e á afección por este merecido ascenso á máxima categoría", sinalou.