O aumento de casos nas escolas da área da Coruña embaza os datos xerais de Galicia

A Coruña suma once casos máis en só 24 horas, o que evita que o conxunto da comunidade manteña un bo ritmo no seu descenso, con só dous casos menos desde onte. 

Esta escaladas deixa ao área herculina, onde se atopa o CEIP Sacra Familia, o centro máis afectado con nove contagios, como a máis afectada ao adiantar a Vigo.

Os casos activos de Covid-19 nos centros educativos non universitarios de Galicia manteñen a tendencia descendente e baixan a 243, dúas menos que a xornada anterior, e as aulas inoperativas mantéñense en catro. Ademais, non hai centros pechados por este coronavirus na Comunidade galega.

Segundo os datos actualizados este mércores polas consellerías de Educación e Sanidade, recollidos por Europa Press, as infeccións activas en centros educativos descenden nas áreas de Vigo (-9), Santiago (-6) e Ourense (-1); soben nas da Coruña (+11), Ferrol (+2) e Pontevedra (+1); mentres que se manteñen na de Lugo.

A área de A Coruña sitúase á cabeza --ata a xornada anterior era a de Vigo-- con 64 infeccións activas --11 máis-- e unha aula pechada no CEIP Plurilingüe Isidro Parga Pondal de Oleiros, que acumula sete positivos --sen cambios--. Ademais, nela sitúase o centro de Galicia con máis contagios, o CEIP Sacra Familia con nove contagios.

A continuación a de Vigo reduce a 56 os casos activos --nove menos-- e quedouse sen aulas pechadas --na xornada anterior tiña dúas--. Nesta área destaca o CEIP Seis do Nadal con cinco positivos --un menos--.

Séguelle a de Lugo, que se mantén con 35 casos activos --sen cambios--, e continúa sen aulas inoperativas. Nela sitúase o CPR Plurilingüe Divina Pastora, con catro positivos.

Mentres, a área de Ourense concentra 26 infeccións activas --una menos-- e continúa sen aulas pechadas pola Covid. O CPR Seminario Menor Diocesano A Inmaculada destaca con máis infeccións activas, ao rexistrar seis --uno máis--.

Pola súa banda, a área de Pontevedra rexistra 24 casos activos --un máis-- e volve ter unha aula pechada --a xornada anterior non contaba con ningunha-- no CEIP Pluriñingüe de Chancelas de Poio por un positivo. Nela, destaca o CEIP Manuel Padín Truiteiro de Soutomaior con cinco positivos --sen cambios--.

FERROL E SANTIAGO

Con menos casos activos de Covid colócanse as áreas de Ferrol e Santiago. A primeira delas suma 21 positivos --dous máis-- en 16 centros e segue cunha aula pechada --sen cambios--, no CPR Tirso de Molina por dous casos activos.

Finalmente, a área de Santiago reduce a 17 os casos activos --seis menos-- distribuídos en 15 centros e incorpora unha clase pechada --a xornada anterior non tiña-- na escola infantil EI Boiro-Ou Saltiño de Boiro por un positivo.