​Nathy Peluso, La M.O.D.A ou Amaral inauguran o Festival Morriña que se celebrará en Culleredo o próximo agosto

O mundo da música mira a Culleredo, berce do Festival Morriña, que traerá a Galicia algúns dos artistas máis reclamados do panorama nacional e internacional.

A trapera arxentina Nathy Peluso, ou as bandas españolas Amaral, Love of Lesbian ou La M.O.D.A protagonizan o primeiro avance do cartel do festival cullerdense.

Morriña Fest | Foto: Concello de Culleredo

Por se faltasen motivos para visitar a fermosa Culleredo, na localidade coruñesa empeñáronse en contar cunha gran oferta cultural este verán que sen dúbida atraerá un bo número de turistas e curiosos. Así, José Ramón Rioboo Castro, alcalde do municipio, presentou esta mañá o Morriña Festival xunto con Juan Rodríguez Rivera, co-promotor do evento, e David Méndez, subdirector da promotora musical Bring The Noise.

Nathy Peluso será a encargada de dar o pistoletazo de saída ao festival, que arrincará o próximo 19 de agosto. Polo escenario pasarán Morat (20/8), Amaral (22/8), Lola Índigo e Chica Sobresalto (25/8) La M.O.D.A e True Mountains (27/8) ou Love of Lesbian (29/8). Con todo, desde a organización xa aventuraron que esta só é unha pequena mostra do que deparará un festival que aínda se garda moitas sorpresas na manga.

A organización, ademais de confirmar os primeiros artistas, anuncia que as entradas estarán á venda a partir deste xoves 17 de xuño. O trap, o pop ou o rock daranse cita desta forma en Culleredo nun festival que contará con todas as medidas de seguridade.

“Seguindo a normativa vixente, en todos os concertos de Morriña Festival o público poderá estar de pé gozando das actuacións dos seus artistas favoritos. Para iso, se sectorizará o recinto en grupos máis pequenos independentes entre si para aumentar a seguridade e as medidas. Un feito importantísimo e que sitúa ao noso festival nun punto moi importante cara á volta da música en directo tal e como a coñeciamos, algo que tanto estraña o público galego”, subliñan desde a organización.