Novos niveis de restricións por municipios: ningún concello confinado ou en nivel alto

|

Varias persoas na terraza dun bar na Praza da Quintana, ao 6 de xuño de 2021, en Santiago de Compostela


Ningún concello da Comunidade galega estará desde o vindeiro sábado no nivel máximo de restricións, nin sequera no alto, segundo anunciou este martes a Consellería de Sanidade tras a reunión do comité clínico que analiza a evolución da pandemia por coronavirus.

Así, o comité de expertos determinou que estea no nivel medio de restricións o municipio de Mos, que este luns pasara ao nivel alto, tras estar pechado perimetralmente. No nivel medio estarán tamén os municipios de Oroso, Soutomaior, Viveiro e Xove.

Ademais, segundo un comunicado de Sanidade, "o resto dos concellos galegos sitúanse en nivel medio baixo", o que inclúe á Pobra do Caramiñal, municipio costeiro que este luns tamén pasara ao nivel alto tras estar un período pechado.

Todas estas medidas entrarán en vigor a medianoite do sábado, mentres que o comité volverá reunir o vindeiro martes para analizar novamente a situación epidemiolóxica.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress