(VÍDEOS) Manifestación masiva en Ourense contra a precariedade e as privatizacións dos traballadores de axuda domiciliaria

As traballadoras e traballadores de axuda a domicilio e dependencia esixiron o cumprimento do convenio cunha gran manifestación esta fin de semana en Ourense.

Os afectos protestan pola precariedade laboral que acosa ao sector e reclaman ás administracións públicas que “non negocien cos coidados”.   

A Plataforma Servizos de Atención non Fogar (SAF) Galicia, conformada por traballadores de axuda no fogar e á dependencia, reuniu esta fin de semana na cidade termal a decenas de traballadores que marcharon por Ourense contra a precariedade laboral e o cumprimento do convenio colectivo. As protestas tiveron lugar ante a Subdelegación do Goberno no Concello de Ourense.

Esta só foi unha das moitas marchas que desde hai semanas veñen protagonizando os traballadores e traballadoras -unha ampla maioría no sector- en Galicia, onde reclaman ás administracións unha maior implicación e sensibilidade cun grupo que se ocupa dos coidados de miles de galegos. Só en Ourense, segundo SAF Galicia, hai máis de 400 persoas que dependen deles.

Asfixiados polos horarios abusivos -"hai cuadrantes laborais nunha xornada que nos obriga a ir ata a catro domicilios nunhas horas sen contar sequera o tempo de desprazamento nas horas", denuncia Mónica Márquez, portavoz da organización-, os traballadores reclaman máis persoal, a readmisión dos traballadores despedidos e medios para poder dar unha atención adecuada.

Ademais, desde a plataforma critican as privatizacións constantes que poñen contra as cordas ao emprego e que van da man co camiño que a administración galega ha tomado noutros sectores como as residencias para maiores. “Cos coidados non se negocia”, destacaban as pancartas dos afectos.