O SERGAS recomendará a case 100.000 galegos que se poñan outra dose de AstraZeneca, pero non lles garante subministración​

A aposta da Xunta é que os ao redor de 90.000 galegos menores de 60 que quedan por recibir unha segunda dose que a segunda inxección sexa do polémico fármaco anglosueco. 

Con todo, o propio Goberno de Galicia recoñece a súa incapacidade para garantir a subministración para todas as persoas que, de forma voluntaria, decidan levar unha segunda dose de AstraZeneca. 

Núñez Feijóo | Foto: EP

O Servizo Galego de Saúde (Sergas) recomendará aos ao redor de 90.000 galegos --dos cales uns 60.000 pertenencen a colectivos esenciais-- menores de 60 anos que elixan a segunda vacina de Astrazeneca para completar a pauta vacunal, pero polo momento non asegura contar coa subministración para que todas as persoas que o queiran así de forma voluntaria reciban o fármaco británico.

Deste xeito, a "prioridade" do Sergas será a de completar as dúas doses de Astrazeneca para o colectivo de entre 60 e 69 anos (e os de 59 anos vacinados que cumpren 60 este ano), debido a que para eles mantense a vacinación con este fármaco na estratexia nacional. No caso de que haxa subministración suficiente, como confirmou o presidente da Xunta, Alberto Núñez Feijóo, este xoves na rolda de prensa posterior á reunión do seu goberno, Galicia tamén administrará a segunda dose de Astrazeneca a todos os menores de 60 anos que o queiran.

A posición que Galicia defendeu na reunión do Consello Interterritorial do Sistema Nacional de Saúde (CISNS) foi a de manter a segunda dose de Astrazeneca, en base á evidencia científica, a ficha técnica do fármaco, o aval da Axencia Europea do Medicamento e as voces que asesoran ao Sergas, unha delas, manifestada publicamente polo investigador Federico Martinón.

Con todo, o recorte de subministración de Astrazeneca e a rotura do contrato por parte da Unión Europea coa farmacéutica británica ha suposto e supoñerá unha diminución na recepción de dose para toda a Unión Europea.

Así as cousas, Feijóo indicou que pedirán ao Ministerio de Sanidade que aclare a Galicia de cantas doses de Astrazeneca dispoñerá para vacinar. No caso de que haxa suficientes para administrar aos maiores de entre 60 e 69 e aos menores (90.000 galegos), o Sergas recomendará a segunda dose de Astrazeneca e pedirá aos usuarios que asinen un consentimento informado sobre a elección, tendo en conta que a estratexia nacional recomenda Pfizer --baseado nun estudo científico da Carlos III que avala a eficacia--.

"Se non (se Galicia non conta coa subministración suficiente), faremos unha proposta distinta. Pero non por criterio sanitario, senón por non ter a vacina", sentenciou Feijóo.