Forte repunte de contagios en Galicia cambia a tendencia da comunidade, que toma un rumbo incerto

|

En só 24 horas Galicia pasou de computar 103 novos positivos a 209, dobrando así nun só día o número de contagios por coronavirus.


Aínda é pronto para aventurar xornadas con tendencia á alza, pero o certo é que con estas cifras a comunidade botou o freo de man a unha evolución que, aínda que lenta, estaba a ser negativa.



De luns a martes a comunidade pasou de 2.977 casos activos e sumar cinco xornadas consecutivas de descenso ao repunte de 75 casos máis e 3.052 en total. 


A comunidade dá así un importante paso atrás que sementa de dúbidas cal será a nova tendencia, xa que o indicador de a media semanal, que facía seis xornadas iniciara a súa variación ata un tope do -0,6%, pasa do -0,2% que marcaba onte ao 0 de hoxe, quedándose en terra de ninguén. Se mañá a tendencia á alza continúa, este indicador dará novas pistas de cara a onde se dirixe Galicia.



Hoxe empeoran todos os apartados. A positividade onte foi do 2,7%, non excesivamente alta, pero a máis alta nos test desde o pasado día 5, cando se fixeron máis de mil test menos -onte foron 7.790, lixeiramente por baixo dos 8.187 do día anterior, cando a positividade quedou nun 1,26%-. Hai que remontarse a febreiro, en plena terceira onda, para atopar cifras parellas en canto a positividade por número de test realizados


Se atendemos a a incidencia acumulada a sete días o indicador salta dos 41,8 casos por cada 100.000 habitantes aos 43,5 casos por cada 100.000 habitantes de hoxe. A dúas semanas o incremento é similar: de 82,2 pasa a 83,5 por cada 100.000 habitantes, aínda lonxe do límite de pasar de risco medio a risco alto.

 


SEN SALTO NOTABLE NOS HOSPITAIS

De momento estes datos tan terribles non se fixeron notar nos hospitais galegos, onde o número de camas ocupadas por pacientes Covid-19 só repunta en catro máis, ata as 151. Ademais, onte recibiron o alta médica 147 persoas.


Pola súa banda, en canto aos decesos, hai que lamentar un novo falecido, unha persoa á que só lle forneceron a primeira dose da vacina. Ata a data, e sempre segundo as cifras oficiais da Xunta de Galicia, son 2.395 as vítimas mortais do coronavirus en Galicia desde o estalido da crise sanitaria. 




Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress