Veciños crean "brigadas de defensa" en Recimil (Ferrol) e vinculan evangélicos con focos de coronavirus

|


Os promotores destes grupos negan ser fascistas ou racistas, pero ven un vínculo entre a propagación do covid e os cultos evangélicos, populares entre cidadáns de etnia xitana



Recimilferrol


Imaxe de arquivo do barrio de Recimil en Ferrol





A Asociación de veciños de Recimil, un barrio de Ferrol composto por máis de mil vivendas propiedade do Concello, anunciou a creación de brigadas veciñais para "defender o barrio" da conflitividade xerada por algúns residentes e ante a ausencia de medidas por parte das autoridades para solucionar as ameazas que moitos din recibir a diario.


"DESIDIA INAUDITA"

Nun comunicado remitido aos medios, a asociación asegura que a situación "se está agravando de maneira exponencial" e motiva que "a gran maioría dos veciños estean a chegar ao limite sen que o Concello arbitre ningunha solución produto dunha desidia inaudita".

A entidade veciñal, que está a recoller firmas, decidiu "dar un paso á fronte" e "sinalar aquelas vivendas onde se están incumprindo as mínimas normas de boa convivencia".


VINCULAS EVANGÉLICOS CON CONTAGIOS

Así, denuncian que nestas vivendas prodúcense "ameazas de morte con uso de armas brancas", "venda de drogas", así como "festas ata altas horas da madrugada".


Ademais, sinalan que tamén se celebra "culto evangélico", unha práctica que supuxo o "foco principal do brote de coronavirus de Recimil".

OCUPACIÓN DE VIVENDAS
Os veciños acusan a varios dos residentes destes lugares para dedicarse á "ocupación paulatina de vivendas e a negocios vinculados á droga", todo iso "a pesar dos informes case a diario dos diferentes corpos de seguridade que operan na cidade, en relación con agresións, ameazas e incumprimentos" da normativa sanitaria para tratar de conter o avance do coronavirus.

Por último, aseguran que a próxima semana "recollerán firmas por todo o barrio para denunciar a situación" e poñerán en marcha "as brigadas de defensa do barrio", unha medida que negan que sexa "fascista ou xenófoba" e que enmarcan na necesidade de actuar ante a "desprotección dos veciños por parte das autoridades incompetentes".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress