Covid muncipios: Ourense, primeira cidade de Galicia en entrar en nova normalidade, o mellor nivel posible

Para alcanzar a nova normalidade, o semáforo de alertas estatal indica que, no indicador de casos semanais, hai que ter menos de 10 diagnósticos por cada 100.000 habitantes. Isto é o que conseguiu Ourense. 

Con 10 positivos en sete días nunha urbe de máis de 100.000 habitantes, a súa incidencia cae o suficiente para vestirse do verde da nova normalidade. A  primeira cidade en sufrir o embate da segunda e terceira onda é a primeira en baixar ao mellor dos niveis posibles. 

Ese verde da nova normalidade segue dominando o rural, sobre todo nas provincias de Ourense e Lugo. Pola contra, está ausente das cidades e das súas áreas metropolitanas, coa excepción da periferia de Ourense e do municipio de Boqueixón en Santiago.

Agora mesmo só queda un municipio no peor dos niveis posibles, Beade, en negro no mapa. É un dos dous perimetrados pola Xunta para Semana Santa. É necesario lembrar que o mapa da incidencia acumulada semanal non é o mesmo que o mapa de restricións, aínda que logicamente están relacionados.

Municipios cuxo cómputo de positivos no últimos sete días sobe hoxe respecto ao mesmo cómputo onte:

• Betanzos +1
• Carballiño (Ou) +1
• Moaña +2
• Pontevedra +2
• Sanxenxo +4
• Culleredo +5
• Ferrol +5
• Cangas +6
• Coruña (A) +10

Relación de concellos cuxo total de positivos na última semana baixa hoxe respecto a mesmo total calculado onte:

• Vigo -7
• Oleiros -6
• Lugo -3
• Ourense -3
• Monforte de Lemos -2
• Marín -2
• Arteixo -1
• Cambre -1
• Ortigueira -1
• Baiona -1
• Redondela -1

A evolución dos positivos en todos os concellos de Galicia pode consultarse no buscador da táboa ao final da noticia.

COMPARATIVA DE CIDADES

As cidades galegas seguen con lixeiras oscilacións, sen unha tendencia moi marcada. Desde un plano semanal, hoxe soben A Coruña, Ferrol e un pouco Pontevedra. Lugo baixa ata os 14 de incidencia a sete días, aproximándose aos 10 que lle permitiría entrar no nivel de nova normalidade.

Ourense xa está no mellor dos niveis posibles na incidencia acumulada semanal. Con todo, na incidencia acumulada a 14 días, aínda está por encima de 25, que é o número que marca a fronteira entre nova normalidade e risco baixo neste indicador:

A Coruña continúa cos peores niveis entre as cidades de Galicia. O balance das súas cifras hoxe é agridoce. Mentres rebota o total de positivos semanais, cae a incidencia semanal a 14 días, que aguanta cunha significativa tendencia á baixa, mentres no conxunto do país está case plana:

Nos últimos días, a cidade que máis empeorou, e tamén a área sanitaria que máis empeorou, é Vigo. O seu balance de hoxe tamén é agridoce, incidencia semanal ao baixa pero a  incidencia a dúas semanas aínda crece un pouco:

EVOLUCIÓN DOS CASOS ACTIVOS POR ÁREA

A cantidade de infectados está plana ou tende moi lixeiramente á baixa en todos os distritos sanitarios, salvo Vigo, que tende levemente á alza:

Respecto a onte, os casos activos redúcense en cinco das sete áreas sanitarias --A Coruña e Cee, Santiago e Barbanza, Lugo, Ferrol e Pontevedra e O Salnés--, mentres que se manteñen igual en Ourense e Vigo.

En concreto, a área da Coruña e Cee segue á cabeza con 934 casos activos de Covid-19 --21 menos--; seguida da de Vigo, con 501 --sen cambios--; Santiago e Barbanza, con 272 --catro menos--; Pontevedra e O Salnés, con 209 --seis menos--; Ferrol, con 189 --seis menos--; Lugo, con 182 --seis menos-- e Ourense segue á cola con 160 --igual que este martes--. 

ÚLTIMOS DATOS POR ÁREA

Pola súa banda, os novos contagios detectados con calquera tipo de proba han repuntado a 133 no conxunto de Galicia, despois de caer a 90 a xornada anterior e empezar esta semana con 103.

Nas últimas 24 horas confirmáronse 124 positivos por PCR --medio centenar máis que a xornada anterior--, dos que 46 corresponden á área de Vigo; 37, á da Coruña e Cee; 11, á de Santiago e Barbanza; 10, á de Ferrol; outras 10, á de Pontevedra e O Salnés; seis, á de Ourense; e catro, á de Lugo. 

HOSPITALIZACIÓNS POR ÁREA SANITARIA

Segundo os datos actualizados na mañá deste mércores pola Consellería de Sanidade con rexistros ata as 18,00 horas do martes, 39 pacientes Covid permanecen en UCI, sete menos que a xornada anterior, e 198 noutras unidades de hospitalización, cinco menos.

Con todo, por áreas sanitarias, os hospitalizados pola Covid-19 soben en catro das sete --Ourense, Ferrol, Santiago e Barbanza e Lugo--, mentres que baixan en tres --A Coruña e Cee, Vigo e Pontevedra e O Salnés--.

En concreto, o maior alivio corresponde á área de Vigo, onde baixan a oito os pacientes Covid en UCI --uno menos-- e a 44 os ingresados noutras unidades --nove menos--, mentres que na da Coruña e Cee caen a 18 os críticos --dous menos-- e a 67 os doutras unidades --cinco menos--. En canto á de Pontevedra e O Salnés conta con catro en UCI --uno menos-- e mantén 13 noutras unidades.

Por contra, na de Santiago e Barbanza, aínda que baixan a tres os críticos --dous menos--, soben a 24 os hospitalizados noutras unidades --cinco máis--; e na área de Lugo descenden a dúas os ingresados en UCI --uno menos--, pero aumentan a 11 os doutras unidades --dúas máis--.

Mentres, na área de Ferrol mantéñense dous pacientes Covid en UCI e soben a 16 os doutras unidades --uno máis--; e na de Ourense seguen dúas en críticos e increméntanse a 23 os que permanecen noutras unidades --uno máis--.