Skunk Anansie non tocará finalmente en Santiago pero si recoloca datas para Bilbao, Barcelona e Madrid

A banda británica de hard-rock dos noventa tiña previstas varias datas en España para esta primavera, pero a pandemia tirounas ao traste

Os británicos Skunk Anansie aprazaron ata marzo de 2022 a súa xira de 25 aniversario, que tiña previsto pasar por Bilbao, Barcelona, Madrid e Santiago de Compostela en próximas datas.

Nun comunicado, a promotora Last Tour anunciou o aprazamento, ata 2022, da xira de Skunk Anansie en España, coa que a banda británica planeaba celebrar o seu 25º aniversario e que incluía varios concertos en cidades españolas para o mes de maio.

Finalmente, actuarán en Bilbao o 17 de marzo de 2022 na sala Santana 27, o 21 de marzo na Riviera de Madrid e o 22 de marzo na sala Razzmatazz de Barcelona. As entradas para os tres shows están á venda.

Con todo, por motivos de axenda, o concerto de Santiago de Compostela "non puido ser recolocado xunto ao resto de datas", polo que, de momento, foi cancelado. As persoas que adquirisen xa os tickets recibirán o reembolso automaticamente.