Siemens Gamesa négase a vender e pecha o ERE que clausurará a planta eólica das Somozas
A firma despedirá aos 215 traballadores, que serán informados este sábado en asemblea de en que condicións
Nas últimas semanas, a galega Greenalia mostrara interese en comprar a que foi a principal industria eólica de Galicia.
Con todo, a multinacional alemá evita prolongar as negociacións cos traballadores.
Os sindicatos convocan unha asemblea para ver se o persoal acepta as indemnizacións acordadas na negociación.
Unha pasada protesta dos traballadores das Somozas
A multinacional Siemens Gamesa rexeitou todas as alternativas e executará o peche da planta das Somozas (A Coruña) co consecuente despedimento dos 215 operarios a través dun expediente de regulación de emprego (ERE).
MEDIO DÍA DE NEGOCIACIÓNS
A última reunión da mesa de negociación durou unhas doce horas, tras iniciarse ás 17,00 horas deste xoves, 18 de febreiro e prolongarse ata as 5,00 horas do venres nun hotel de Madrid.Neste encontro, segundo apuntaron fontes sindicais consultadas por Europa Press, non foron "capaces de salvar a actividade produtiva, ante a actitude intransixente de Siemens Gamesa".
O PECHE COMO ÚNICA SOLUCIÓN
Desde o ámbito sindical presente nestas negociacións, incidiuse en que non foron capaces de "salvar os postos de traballo" porque "a compañía non estivo en ningún momento en disposición de tan sequera valoralo".
En relación a esta cuestión, reclamaron "a derrogación da última reforma laboral, que é a que fixo posible que Siemens Gamesa puidese tomar unha decisión como esta", á vez que criticaron "o pouco compromiso das administracións nun conflito industrial, xa que as súas peticións para crear unha mesa industrial "non foron atendidas" e desde o Goberno "tampouco fixeron ningún xesto para forzar a Siemens Gamesa a meditar a súa decisión e reverter o peche."
Escribe o teu comentario