O xerente do Grupo Clece, vacinado de coronavirus a pesar de non ser parte do persoal oficial dunha residencia

Domínguez Crispín supervisa dúas escolas infantís e unha ducia de programas de axuda a domicilio, ademais da residencia Souto de Leixa en Ferrol. Con todo, a Xunta di que a súa vacinación foi correcta.

Empregados de Clece, entre eles o xerente en Galicia Alberto Domínguez Crispín , foron vacinados contra a covid-19 no Centro Ocupacional Souto de Leixa de Ferrol. 

Clece é a división de servizos públicos do grupo ACS, presidido por Florentino Fernández, en Galicia.  Entre ducias de concesións públicas en Galicia, leva a xestión do citado centro, onde ademais de servizos ocupacionais hai unha residencia para discapacitados.

Cartel do Centro Souto de Leixa nunha imaxe de Google Street View 

Domínguez Crispín non forma parte directa do persoal que traballa directamente no Centro , segundo o seu Linkedin, onde se identifica como "delegado" de Clece na área de Vigo, Pontevedra.

Na relación oficial de traballadores do Centro  en o Rexistro Único de Entidades Prestadoras de Servizos Sociais non aparece ningún xerente entre o persoal. Aparece unha persoa como "persoal de dirección". Segundo a prensa local, a directora do centro é Montse Rouco.  

Ademais, esa praza de dirección ten ocupación do 96% dunha xornada laboral completa e o xerente ocúpase, en teoría, de todos os centros de Galicia. Só na autonomía e no referido a sevicios sociais, Clece xestiona os programas de Axuda ao Fogar de Ponteareas, A Coruña, Ferrol, Pontevedra, Santiago, Verín e Vigo; e dúas escolas infatiles en Vigo, onde está a delegación que dirixe o vacinado. 

VERSIÓN DA XUNTA 

Política Social confirmou a vacinación, do mesmo xeito que a compañía, que incide en que todos os que integran esa listaxe, incluído o xerente, acoden "asiduamente" e realizan funcións na residencia, polo que "se cumpre" o protocolo definido polas autoridades.

Así o han trasaladado a Europa Press fontes de Política Social e da empresa tras a información publicada por 'elDiario.es', que sitúa como un dos empregados que se vacinou ao delegado en Galicia de Clece, Alberto Domínguez.

Respecto diso, Política Social ratificou que na listaxe de vacinación estaba, efectivamente, o xerente, pero incide en que a compañía confirma que todos os traballadores incorporados acoden ou realizan diversas funcións nos centros.

Tamén lembra que o protocolo vela pola seguridade dos anciáns, de forma que integra aos traballadores de todas as áreas que entran nos centros, non só a quen se dedica aos coidados.

VERSIÓN DE CLECE

Pola súa banda, fontes de Clece defenderon que a compañía "cumpre cos protocolos definidos polas autoridades competentes para a administración de vacinas nos centros residenciais que xestiona de maneira integral".

No caso do CAD Souto de Leixa, sostén que se cumpriu a estratexia de vacinación definida polas autoridades "que determina como primeiro grupo obxectivo de vacinación todas as persoas que residen ou traballan na residencia de maiores, incluído persoal sanitario, coidadores, limpadores, persoal administrativo e persoal de apoio no seu caso".

Lembra que neste primeiro grupo "inclúense todas aquelas persoas que traballan no centro incluído persoal de prevención ou de mantemento", e ratifica que o o proceso de vacinación no CAD Souto de Leixa finalizou o pasado 29 de xaneiro, "data en que todos os usuarios e todo o persoal que traballa para o centro recibiu a segunda dose.