Galicia afianza e acelera a súa melloría, aínda que nunca falecera tanta xente por Covid como na última semana

185 mortes en só sete días. Esa é a estremecedora cifra que golpeou á comunidade na última semana, na que se aprecia unha melloría considerable en case todos os apartados.

O número de novos casos cae, así como o de casos activos ou a porcentaxe de positividade nas probas. Con todo, a presión hospitalaria segue sendo alta.

O número de camas ocupadas por pacientes covid é de 1.036 nestes momentos. Son dous menos con respecto a onte, aínda que é certo que son case 200 menos con respecto ao luns. Nas unidades de críticos son 247 os pacientes con coronavirus, 19 máis con respecto á semana pasada.

Tamén baixa, aínda que pouco, o número de decesos con respecto aos dous últimos días. Son 24 hoxe, polos 30 de onte ou os 37 do xoves. En total, e segundo as cifras oficiais da Xunta, 1.934 persoas perderon a vida polo coronavirus en Galicia desde o inicio da pandemia. Esta semana excederase, case con toda seguridade, os 2.000 falecidos na comunidade.

INDICADORES EN DESCENSO

Con todo, a maioría de indicadores son positivos. A comunidade perdeu 799 casos activos en 24 horas e mais de 1.500 nos últimos dous días. É o maior descenso nun só día desde a desescalada da primeira onda. Isto vén dado, en gran medida, polas 1.694 altas médicas. 

Pola súa banda, a incidencia acumulada a 14 días comeza segue en caída, aínda que marca uns preocupantes 565 casos por cada 100.000 habitantes. Con todo, se atendemos a a incidencia acumulada semanal, a cifra leva dez días en descenso e atópase xa por baixo dos 250 casos por cada 100.000 habitantes, o que sen dúbida é un indicador esperanzador. 

A positividade hoxe é do 6,22%, o valor máis baixo desde decembro, o que contribuíu de forma decisiva a que a media semanal sitúese no 7,5%. Hai que celebrar que a positividade decreza aínda que non o fagan de forma alarmante o número de PCR realizadas. No último día foro 12.980, 1.308 máis que o día anterior, o que permitiu detectar 808 novos positivos, a segunda cifra máis baixa da semana e a segunda máis baixa desde o 11 de xaneiro. 

Do mesmo xeito, a media móbil semanal da porcentaxe de cambio diario ofrece hoxe un ritmo de baixada do -1,1%. Galicia rexistrou onte o cambio de tendencia que viñamos anunciando desde hai xa unha semana e segue acelerando neste apartado. Fai apenas sete días crecía a un ritmo do 3%.