​A Mesa participa nun encontro da UE para o recoñecemento da diversidade lingüística

A Mesa pola Normalización Ligüística participou nun encontro telemático con representantes da dirección xeral de Educación e Cultura da Comisión Europea.

Elsa Quintas, vicepresidenta da entidade, foi a encargada de representar á organización en Europa.

Encontro da Mesa e membros de ELEN | Foto: EP

O encontro tiña como obxectivo reivindicar a diversidade lingüística nos estados membros da Unión Europea e o recoñecemento a esta riqueza de linguas. Na reunión tamén estiveron outros colectivos membros de a Rede Europea para a Igualdade das Linguas (ELEN).

Este organismo consultivo, agrupa a 46 linguas de máis dunha vintena de estados e que persegue “a procura de beneficios, a promoción e protección das linguas europeas menos utilizadas, traballar no sentido de igualdade e para ser unha voz para os falantes de linguas a nivel local, rexional, nacional, europeo e internacional”, levou ante a UE as súas demandas, como a apertura dunha canle de comunicación continuo entre o organismo e a Comisión Europea, así como a creación dun fondo europeo para as linguas en perigo.

Outras propostas, como a creación dunha figura do “defensor das linguas”, tamén foron postas sobre a mesa, así como a adopción de “un mecanismo adecuado para garantir que os estados implementen e cumpran a Carta Europea de Linguas Rexionais ou Minorizadas, para promover a igualdade lingüística e para erradicar o odio contra falantes de linguas minorizadas”.