A Coruña primeira cidade galega que cancela o Entroido de 2021 debido ao coronavirus

É probable que a decisión coruñesa sexa adoptada pronto por outros concellos. A primeira das grandes citas do calendario festivo galego corre serio risco ante a nova onda da pandemia.

O Concello da Coruña decidiu cancelar as festas de Entroido debido á situación sanitaria "tan crítica", segundo manifestou a alcaldesa, Inés Rey.

Respecto diso, explica que desde o consistorio xa se lle comunicou ás comparsas e engadiu que o entenderon "perfectamente" ante o actual contexto pola pandemia.

MOSTRA ALTERNATIVA
Rey manifestou que o consistorio organizará unha exposición fotográfica en varios puntos da cidade sobre o Entroido, con imaxes históricas, e que se estuda a realización dun concurso de disfraces virtual.

"Este ano non poderemos gozar desta festa que tanta tradición ten na Coruña, pero faremos actos simbólicos e culturais que non impliquen agrupacións de persoas".