A folga de dous días en Siemens Gamesa arrinca con barricadas e cortes de estradas

Os operarios están a piques de finalizar a súa carga de traballo sen ver claro o seu futuro laboral

|

A planta das Somozas vive as súas primeiras horas de folga, marcada polas protestas dos traballadores ante a factoría.


Os empregados reclaman que se garanta nova carga de traballo para asegurar así a viabilidade da planta e evitar deslocalizacións.


Barricadas dos traballadores de Siemens Gamesa nas Somozas (A Coruña)


Os accesos ao polígono industrial das Somozas (A Coruña) rexistraron desde primea hora da mañá deste luns diversas barricadas e cortes de estradas coincidindo co inicio da folga de 48 horas na planta da multinacional Siemens Gamesa.

Así, colocáronse pneumáticos no dous acceso ao polígono que foron incendiados, ademais de proceder á talla dalgunha árbore que quedou bloqueando o paso de vehículos.

Dita medida de protesta execútana os traballadores para reclamar carga de traballo e que non leve a cabo o despedimento de 29 empregados. Ademais, está previsto que os operarios se concentren nas rotondas de acceso ao polígono entre as 6,00 e as 8,00 horas, de 14,00 a 16,00 horas e de 22,00 a medianoite.

Actualmente, a planta situada na comarca de Ferrolterra está a quedarse sen traballo, xa que os encargos de pa do modelo SG-114, que son as que maioritariamente realizan nesta factoría, están a piques de ser finalizadas.


O CONCELLO TAMÉN PECHA

Pola súa banda, o Concello das Somozas tamén permanecerá pechado durante estes dous días de folga, en solidariedade cos traballadores desta planta, que é a que xera un maior número de postos no polígono industrial da localidade.

E é que fai tan só uns meses eran 300 os postos de traballo directos, que ascenden ata os 500 se se contabiliza os indirectos.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE