​(VÍDEO) Así salvou a vida un policía nacional no Carballiño cando lle atacaron cun coitelo en plena rúa

Nas imaxes publicadas polo Sindicato Unificado de Policía (SUP) vese como o agresor se abalanza contra Alfonso, a vítima, atacándoo por detrás cun coitelo.

A súa rápida reacción permitiulle salvar a vida e reducir ao agresor, “un violento expresidiario”, que xa se atopa de novo en prisión.

Nunha rúa baleira e de noite, un home arremete por detrás contra Alfonso, que tenta zafarse de el. Nese moemto comeza unha breve persecución e, tras un pequeno forcejeo, Alfonso, membro da Policía Nacional, consegue reducir ao seu asaltante. É nese momento cando ata tres persoas acoden no seu auxilio despois duns minutos de tensión.

O detido é un home con antecedentes por roubo, ameazas e secuestro. Entrevistado en Espello Público, o agredido quixo trasladar o seu agradecemento aos seus compañeiros na unidade olívica na que opera “polo ben que se portaron e as mensaxes de animo”.

Desde SUP reclaman a a Dirección Xeral de Policía o ingreso do policía agredido na Orde ao Mérito Policial pola “pericia e profesionalidade” que a permitiron saír airoso dese difícil transo.