Gadis dobra a súa aposta pola sustentabilidade ao ofrecer aos seus clientes bolsas biodegradables e compostables

A cadea de supermercados dispoñerá nos seus locais de bolsas 100% biodegradables, deixando clara a súa aposta pola sustentabilidade e o respecto ao medio ambiente. 

As bolsas, compostas de fécula da pataca, desaparecen "en menos de 180 días" e non provocan "efectos contaminantes para o medioambiente". 

Supermercados Gadis pon ao dispor dos seus clientes bolsas 100% biodegradables, compostables, reciclables e reutilizables en todas as seccións de produto fresco, no marco da súa política ambiental.

Estas bolsas están elaboradas a partir da fécula da pataca, que ofrece numerosas vantaxes para a fabricación de bioplásticos. A cadea de distribución destaca que unha das características destas bolsas é que desaparece "en menos de 180 días sen efectos contaminantes para o medioambiente".

Ademais, o seu modelo de produción baséase na economía circular, xa que a súa capacidade para a compostaxe permite a súa conversión en abono para a agricultura biolóxica. Para a súa reciclaxe, deben ser depositadas nos contedores de cor marrón, destinados ao material orgánico.