Bugallo apela a pechar Galicia durante o ponte da constitución ao considerala unha medida "razoable"

Co fin de evitar os "desprazamentos masivos", o alcalde da capital de Galicia considera que un peche perimetral da comunidade sería conveniente para os días festivos da próxima semana. 

Santiago de Compostela viu nos últimos días como a incidencia do coronavirus descendeu de forma constante, pero teme que a chegada de visitantes doutras comunidades ou Portugal poderían afectar á súa evolución. 

O alcalde de Santiago, Xosé Sánchez Bugallo, considerou que sería unha medida "razoable" que a Xunta declarase o peche perimetral da comunidade durante a ponte, para evitar desprazamentos "masivos" que favorecesen a expansión da covid-19. "Probablemente paréceme unha idea bastante oportuna", destacou, a preguntas dos xornalistas en rolda de prensa.

No que respecta a a capital galega, e cos datos dispoñibles, "se non empeoran a día de hoxe", opinou que tamén sería "razoable pensar nunha apertura da hostalería para esta fin de semana" e o levantamento tamén do peche perimetral que impide aos composteláns moverse a outros municipios galegos.

En canto ao peche de Galicia, cualificouno de "razoable" e equiparouno co que vai facer "a Comunidad de Madrid ou outras como Castela e León".

Xustificouno, entre outras cuestións, "vendo os problemas" que, en canto á evolución do coronavirus, afectan a zonas como o norte de Portugal e a Castela e León. "Non me parecería ningún erro, se ese é o acordo que adopta a Xunta", insistiu.

No relativo a Santiago, reiterou que lle gustaría que deixase de existir a prohibición para os seus veciños de desprazarse a outras localidades e valorou como "razoable manter ese optimismo" á espera do que decida o Goberno galego.