As restricións en 60 concellos galegos non supoñen o peche de cinemas, teatros, museos, bibliotecas ou ximnasios

Salóns de xogo, salas de concertos, circos, pistas de patinaxe deberán permanecer pechados

|

As novas medidas aplicaranse a partir da media noite do sábado e entrarán en vigor nas sete cidades galegas e noutras 53 localidades. 


No lado contrario atópanse os salóns de xogo, as salas de concertos, as prazas de touros, os circos e as pistas de patinaxe, que deberán permanecer pechados mentres se prolonguen as novas medidas.  


Salacine 2



Nas sete cidades e os 53 municipios nos que entrarán as restricións máis severas o vindeiro sábado ás 00,00 horas, como o peche da hostalería, poderán continuar abertos establecementos como os cinemas, os teatros, os museos, as bibliotecas e os ximnasios.

Así se desprende da orde publicada pola Consellería de Sanidade no Diario Oficial de Galicia (DOG), que precisa que os espectáculos cinematográficos, os teatrais e musicais, así como os deportivos quedan exceptuados das limitacións e poderán seguir abertos.

Deste xeito, os cidadáns poderán ir ao cinema, ao teatro, aos auditorios, aos estadios e pavillóns deportivos, aos ximnasios e ás piscinas de competición. Con todo, estes estarán sometidos a limitacións, con medidas como a restrición do aforo.

Así, por exemplo, nas bibliotecas, arquivos, museos e salas de exposicións non poderán realizarse actividades en grupo, agás que estes estean formados por persoas conviventes.

Ademais, a actividade en cinemas, teatros, auditorios, así como en recintos ao aire libre e noutros locais e establecementos destinados a espectáculos públicos non pechados temporalmente o aforo será dun máximo de 30 persoas se o espazo é pechado e de 75 se se trata dunha localización ao aire libre.

En canto ás instalacións deportivas, a práctica da actividade física e deportiva non federada, ao aire libre, poderá realizarse de forma individua ou colectiva, sen contacto físico, sempre que, neste último caso, os integrantes vivan baixo o mesmo teito (a excepción do monitor).

Os centros deportivos poderán albergar actividade deportiva de forma individual sempre que non se supere o 50% da capacidade máxima permitida e deberanse establecer as medidas necesarias para manter a distancia de seguridade interpersoal durante o desenvolvemento da actividade.

A celebración de eventos, competicións ou adestramentos deportivos poderanse desenvolver con público sempre que este permaneza sentado, que non supere o cincuenta por cento da capacidade permitida da instalación ou do espazo. Cun límite de 30 persoas para lugares pechados e de 75 ao aire libre.

Tamén estará permitido realizar actividades de turismo, organizadas por empresas habilitadas para iso, e a actividade de guía turístico, para grupos dun máximo de seis persoas, sexan ou non conviventes --incluído o monitor ou guía--.

Por último, poderanse celebrar congresos, reunións de negocio ou conferencias, promovidos por entidades públicas ou privadas, sempre que non se supere o 50% da capacidade permitida do lugar de celebración, e tamén cun máximo de 30 persoas para espazos pechados e de 74 ao aire libre.


ESTABLECEMENTOS PECHADOS

Nestes 60 municipios nos que as limitacións entrarán en vigor o vindeiro sábado ás 00,00 horas, permanecerán pechados os circos, as prazas de touros, os recintos feirais, os establecementos de actividades recreativas, os de xogo --casinos, salas de bingo, salóns de xogo e tendas de apostas--.

Tamén pecharán as súas portas os establecementos para actividades deportivas, as pistas de patinaxe, as piscinas recreativas de uso colectivo, os locais para atracción e xogos recreativos, os parques de atraccións, os acuáticos, os establecementos para actividades culturais e sociais e as salas de concertos.


HOSTALERÍA

En canto á hostalería, estarán pechados, bares, cafeterías, salóns de banquetes, ademais dos relativos ao lecer nocturno e ás salas de concertos. Pola súa banda, os establecementos de restauración permanecerán pechados ao público e poderán prestar exclusivamente servizos de entrega a domicilio ou para a súa recollida no local e consumo a domicilio. Deste xeito, a permanencia nestes establecementos deberá ser a estritamente necesaria.

Con todo, aqueles que se sitúen en centros sanitarios ou de traballo que limiten a súa actividade aos empregados neles ou, no caso dos sanitarios, aos acompañantes de pacientes, poderán manter o servizo de cafetería, bar e restaurante. Iso si, non poderán superar o 50% da súa capacidade.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE