Tesla inaugura o seu primeiro ‘Supercharger’ en Galicia no centro comercial das Termas
O xigante automobilístico presenta o primeiro punto ‘Supercharger’ da comunidade para recárgaa de vehículos eléctricos.
O xigante automobilístico presenta o primeiro punto ‘Supercharger’ da comunidade para recárgaa de vehículos eléctricos.
O espazo, situado no aparcadoiro do centro comercial das Termas, trátase dun dos puntos de cargadores de nova xeración para cargar os vehículos eléctricos moito máis rápido.
Con este novo cargador o centro comercial lucense “convértese en pioneiro en Galicia ao ofrecer aos seus usuarios este novo servizo, promovendo o uso dos vehículos eléctricos e avanzando na aposta do centro por unha maior eficiencia e sustentabilidade
Á inauguración acudiron o responsable de infraestruturas e instalacións sur de Europa en Tesla, Javier Sedó, o concelleiro de Desenvolvemento Local e Emprego do Concello de Lugo, Mauricio Repetto, e o xerente do Centro Comercial As Termas, Esteban Patiño. Un acto que, ademais, estivo marcado polo cumprimento estrito das medidas de hixiene e seguridade como marca o novo protocolo.
“O cargador Supercharger de Tesla permite cargar o vehículo en ao redor de 30 minutos, o que ofrece unha maior rapidez e autonomía para os usuarios, así como un maior aforro económico. Grazas á aplicación de Tesla, o usuario recibirá unha mensaxe no teléfono móbil cando o vehículo está cargado”, sinalan os promotores da iniciativa.
Escribe o teu comentario