Leve alivio de positivos de coronavirus que non chega para cambiar unhas tendencias á alza en Galicia, sobre todo en Santiago

Galicia mellora hoxe un pouco as súas cifras de coronavirus, aínda que a tendencia segue sendo á alza. Os 343 positivos detectados onte é a menor cifra no últimos cinco días. Santiago é a área sanitaria cun maior crecemento de novos diagnósticos, con 87. Ourense segue a súa lenta melloría.

A Comunidade galega ha detectado outros 343 positivos por Covid-19 confirmados por PCR nas últimas 24 horas, o que supón un lixeiro descenso nos novos contagios con respecto aos 417 contabilizados a xornada anterior. Mentres, os casos activos en Galicia aumentan en máis dun centenar ata os 5.215.

A pesar da segunda xornada consecutiva de leve alivio, as tendencias seguen sendo malas. Nunca houbo tanta incidencia acumulada semanal, 89 positivos por cada 100.000 galegos en sete días. Tampouco nunca houbo tanta incidencia acumulada a dúas semanas, 170.

Un dato para aferrarse ao optimismo. Como a incidencia a dúas semanas non é o dobre que a incidencia a unha semana, isto significa que na última semana a aceleración do virus foi menor.

De feito, a media de positividade semanal leva días estabilizada en torno ao 5%, tras tocar o 5,8% o mércores. 

A tendencia é especialmente preocupante na área compostelá, que acumula cinco días seguidos por encima dos 50 diagnósticos ata as 18 horas, algo nunca visto nesta segunda onda.

Así se desprende dos datos actualizados na web da Consellería de Sanidade na mañá deste martes con rexistros recolleitos ata as 18,00 horas do luns, nos que se reflicte que a área sanitaria de Santiago e Barbanza suma outros 87 positivos confirmados por PCR nas últimas 24 horas; 66 a de Ourense; 62 a da Coruña e Cee; 48 a de Vigo; 31 a de Pontevedra e O Salnés; 25 a de Ferrol e 24 a de Lugo.

En canto aos casos activos, aumentaron en todas as áreas sanitarias, salvo na de Ourense, na que descenderon en 37 ata os 1.479 segundo os datos actualizados este martes.

Por contra, soben en 51 os casos activos na de Santiago e Barbanza ata os 813; en 40 na de Vigo, que se sitúa con 831; 24 na da Coruña, que conta con 876; 16 na de Ferrol, que rexistra 238; 14 na de Lugo, ata os 497; e seis na de Pontevedra, que ten 481.

FALECIDOS
Ata a data faleceron en Galicia 831 persoas con Covid-19, o últimas nove vítimas foron notificadas na tarde do luns, cinco delas usuarios de residencias de maiores.

En concreto, a Consellería de Sanidade notificou a morte dun home de 62 anos que se atopaba ingresado no CHUO procedente da residencia Vos Gozos de Pereiro de Aguiar, así como dunha muller de 84 anos e un home de 68 ingresados no CHUS.

Tamén morreu un home de 80 anos que estaba internado no Complexo Hospitalario Universitario de Vigo e unha muller de 73 anos ingresada en Pontevedra.

A maiores, rexistráronse catro falecementos en residencias de anciáns: dúas mulleres de 94 e 95 anos de Vos Gozos en Pereiro de Aguiar; unha muller de 93 anos en Val de Monterrei (Ourense) e un home de 95 anos na residencia DomusVi Oleiros (A Coruña).

Con estas nove mortes de pacientes con Covid, a cifra total desde o comezo da 'nova normalidade' ascende a 212 en Galicia. A primeira vítima deste período foi a dunha muller o 7 de agosto. Previamente, a Comunidade galega había encadeado case dous meses --desde o 10 de xuño-- sen falecementos relacionados co coronavirus.

Ata a data curáronse en Galicia 23.812 pacientes, o que supón 234 máis que a xornada anterior, e realizáronse na Comunidade galega 596.335 PCR, fronte ás 592.162 contabilizadas ata este luns.