Traballadoras de residencias "ata a cona" pola falta de inspeccións da Xunta nos geriatricos

Traballadores e familiares dos residentes concentráronse este mércores en Vigo para protestar ante a delegación da Xunta na cidade olívica.

Desde o sector reclaman ao Goberno de Galicia "un convenio colectivo xusto" para o persoal das residencias privadas para a terceira idade na comunidade, así como un aumento no cociente de persoal que poida cubrir as carencias existentes na atención aos maiores.

Protesta ante a delegación da Xunta en Vigo

Os manifestantes pediron un cociente de persoal "digno" co fin de "atender correctamente ás persoas maiores e dependentes, cuestión que a día de hoxe non se dá". Nestes termos expresáronse desde a organizació Traballadoras de Residencias de Galicia (Trega), que convocaron a protesta xunto co apoio de a Federación Galega de Familiares e Residentes (REDE)

Desde o sector denuncian ás "malas práctivas gravisimas que non só vulneran os dereitos dos traballadores e o espiritudo e a letra dos convenios colectivos", senón que ademais supoñen poñer "en perigo a vida e a saúde de traballadores e usuarios", así como das familias de forma indirecta. Por todo isto reclaman máis inspeccións á Xunta.

"Falta de persoal; carencia de EPIs; insuficiencia de instrumental e material; escaseza de axudas técnicas (cadeiras de duchas, guindastres, etc.); e incumprimento na incorporación de novas traballadoras ou nas suplencias para cubrir as baixas médicas, ou as baixas por vacacións ou excedencias, polo que é notoria a diminución da capacidade das traballadoras para realizar os labores diarios nas residencias de maneira correcta e seguro", enumeran.

Doutra banda, desde as familias sinalaron que é necesario dotar de "dignidade" ás residencias, algo que só chegará dando "xustiza para as vítimas da xestión da pandemia" ademais de a "posta en marcha dunha lei autonómica de residencias con outro modelo de servizos xeriátricos que non permita a vulneración dos dereitos humanos en os anciáns e o quebrantamento dos dereitos laborais das traballadoras".