Dous accidentes de tráfico en Santiago e Muxía deixan dous falecidos un ferido de gravidade
Tráxica xornada nas estradas galegas despois de que esta madrugada dous accidentes de tráfico saldásense co falecemento de dúas persoas.
En Muxía unha saída de vía custoulle a vida ao condutor do vehículo sinistrado, mentres que na capital un choque frontal provocou a morte dun dos pilotos e feridas de gravidade ao ocupante do outro automóbil.
O primeiro deles tivo lugar ao fío das 22,00 horas de venres na localidade da Costa da Morte. Alí, un condutor perdeu a vida ao saírse da estrada co seu vehículo cando circulaba pola estrada que une Muxía e Cee á altura do lugar de Oruxo.
Os efectivos de Urxencias Sanitarias e os bombeiros de Cee desprazados ao lugar tras recibir o aviso non puideron facer nada pola vida do falecido, un home duns 60 anos de idade veciño da zona na que se produciu o accidente.
Horas despois, ao fío das 01,30 horas da madrugada, outro accidente nas estradas cobrouse a vida doutra persoa, un home que conducía un coche que impactou frontalmente con outro vehículo, cuxo ocupante resultou ferido de gravidade.
Ocorreu en A Susana, no punto quilométrico 366 da estrada N-525, onde dous turismos chocaron frontalmente e quedaron visiblemente danados, segundo relata o CIAE 112 Galicia, que recibiu o aviso doutros condutores que pasaban pola zona.
Como consecuencia do impacto, un dos ocupantes faleceu no lugar, mentres que o outro condutor foi evacuado de urxencia con feridas moi graves a o Hospital Clínico de Santiago tras ser liberado do interior do seu vehículo por unha dotación dos bombeiros de Santiago.
Escribe o teu comentario