O principal obxectivo das autoridades é atallar a pandemia da Covid.19. Todos os esforzos sanitarios están enfocados en tentar salvar ao maior número de persoas. A sanidade española atópase desbordada, os recortes de todos estes anos fixeron efecto e evidénciase cada día.

Hospital, operación, médicos, quirófano, vall d'hebron

Alguén pensou que as persoas tamén morren se non a interveñen a tempo, falecen de infartos e outras enfermidades? Parece que as autoridades -elas está ben atendidas- non poñen máis medios para que os enfermos non covid sexan atendidos.

Mentres o tratamento da pandemia acapara a atención, as autoridades sanitarias, por orde dos seus superiores políticos, deixaron para mellor tempo -poida que sexa tarde en chegar- o resto de atención ás persoas que sofren outras patoloxías que nalgúns casos son máis mortíferas.

A cidadanía xa é consciente de que as visitas aos especialistas, as probas médicas, as analíticas e as operacións cirúrxicas son cousas do pasado. Desde que empezou a etapa Covid todas estas prestacións apartáronse, o primeiro é o Covid e pouco máis. Alguén pensou que as persoas tamén morren se non a interveñen a tempo, falecen de infartos e outras enfermidades? Parece que as autoridades -elas está ben atendidas- non poñen máis medios para que os enfermos non covid sexan atendidos. Todo está a ocorrer cunha “normalidade” abraiante. A atención telemática resulta pésima…

Cirurxiáns de diferentes especialidades veñen avisando xa de que a enfermidade que provoca o novo coronavirus está a desmantelar a actividade cirúrxica que se realiza nos hospitais españois, porque a súa actividade está a quedar supeditada á atención dos pacientes con covid, á resolución de urxencias cirúrxicas e á práctica de consultas telemáticas.

Os pacientes en lista de espera cirúrxica seguen esperando a ser operados, e isto é moi grave. Alguén se decatou do total desastre que hai encima da saúde das persoas? Ou só interesa xogar ao descoido e destinar o diñeiro a outras cousas que non son prioritarias? Coidado, que coa saúde non se xoga. A paciencia da cidadanía está xa moi superada e a indignación é máis que evidente.

Non se pode seguir con esta política sanitaria desbordada e unha reacción política lenta e deficiente. Ao final, cando un morre, pouco importa de que, senón o porqué e o como se ha chega a iso.

A falta de atención médica a tempo é a culpable do que está a ocorrer. Alguén dirá algún día o número de persoas que se están morrendo por falta de atención?