O coronavirus segue pegando forte nas áreas de Vigo e Pontevedra, que rexistran o 82% dos novos positivos

Os datos do Servizo Galego de Saúde evidencian, un día máis, as diferenzas diametrales entre a situación que se vive nas sete áreas galegas.

Mentres que as áreas de Vigo e Pontevedra experimentan unha subida constante nas súas cifras, o resto de áreas sanitarias galegas manteñen unha evolución positiva que oscila entre a baixada continuada de casos activos ou lixeiras subidas.

En só cinco días a área de Vigo sumou xa 95 casos novos ás súas cifras. Nese case centenar de casos novos incorpóranse os 32 casos rexistrados nas últimas 24 horas, o que significa a maior subida na área olívica desde o pasado 3 de setembro.

Como Vigo, a outra área que preocupa especialmente ás autoridades santiarias é Pontevedra, que a pesar de que levaba dous días por baixo dos dez casos diarios -sete o domingo; nove onte- hoxe volve dispararse con 35 novos casos. Os brotes rexistrados en centros escolares de Vigo e Pontevedra contribuíron de forma decisiva a que as dúas áreas mantenan a súa tendencia alcista.

Con todo, estas non son as únicas áreas que ven crecer as súas cifras esta xornada, aínda que as demais non advirten unha subida tan pronunciada. Ourense, con dez casos máis, segue pendente da evolución dos brotes de carácter familiar que tanto preocupan ao área sanitaria. De feito son xa oito os brotes detectados nas últimas horas na área sanitaria auriense en municipios que van desde Verín, Leiro ou Oímbra ata a capital. Nesta liña a Xunta chamou a evitar as celebracións, principal orixe dos brotes na provincia. 

Santiago de Compostela, con dous casos máis, e Ferrol con tres, son as outras áreas sanitarias que hoxe contribúen á escalada de casos.

ÁREAS EN DESCENSO

Con todo, esta xornada tamén hai que falar de áreas en descenso. Son a área de A Coruña, que con 34 casos menos desde onte segue rebaixando os seus datos e atópase preto de situarse por baixo do milleiro de casos activos, e a área de Lugo, que aínda que hoxe só perde dous casos en 24 horas esta é a sexta xornada consecutiva con cifras negativas. 

Con 46 casos máis, a tendencia galega mantense á alza despois das subidas rexistradas ao longo de a semana pasada. Estas subidas provocaron de novo un cambio de paradigma, o que se traduce en que, porcentualmente, Galicia evolucione a un ritmo do 0,2% cando todo indicaba que pronto entraría nunha evolución negativa. 

Segundo os datos de as notas de prensa de o SERGAS, este martes 22 de setembro o número de casos activos de coronavirus en Galicia é de 4.350, dos cales 1.114 son da área da Coruña, 687 de Lugo, 551 de Ourense, 702 de Pontevedra, 489 da área de Vigo, 627 de Santiago e 180 de Ferrol.