A alcaldesa Inés Rey confirma casos positivos no colexio Ramón da Sagra da Coruña, que pecha dúas aulas

|

A alcaldesa da Coruña, Inés Rey, confirmou os positivos en coronavirus en dous alumnos, un de Educación Infantil e outro de Educación Primaria, do CEIP Ramón da Sagra.


A alcaldesa, Inés Rey, con máscara no primeiro pleno presencial tras declararse o estado de alarma


"Seguindo o protocolo terán que estar en corentena esas dúas liñas educativas", explicou.

A rexedora, en declaracións aos medios, apuntou que é "evidente" que seguirán producíndose contaxios, pero tamén advertiu de que os centros educativos "non teñen que ser lugares máis perigosos que outros para contaxiarse".

Ademais, Rey afirmou que os colexios están "preparados" e pediu que non exista "alarma" entre os proxenitores.

"Van producir contaxios, pero esperemos que os menos posibles", recalcou, engadindo que a poboación "está preparada e concienciada". A alcaldesa pediu que os cidadáns estean "atentos" aos síntomas para "ser suficientemente rápidos e evitar a súa propagación".

Rey defendeu que nos centros escolares están a levarse a cabo as limpezas e desinfeccións necesarias para evitar os contagios e insistiu en reclamar que a Xunta achegue fondos para estas tarefas. "Os Concellos sós non podemos asumir esa carga", finalizou.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress