Isabel Celaá: "Non haberá espazo alternativo máis seguro que a escola"

A ministra de Educación e Formación Profesional, Isabel Celaá, asegurou que "non haberá espazo alternativo máis seguro que a escola" pese ao coronavirus, polo que pediu aos pais que leven os seus fillos ao colexio con tranquilidade.

Nunha entrevista de Catalunya Ràdio, dixo este sábado que o Goberno está a tomar "todas as precaucións" aínda que non existe 'risco cero' nin fóra nin dentro da escola.

"Pero o espazo máis seguro para os nosos nenos e para os nosos adolescentes e mozos neste momento será a escola, porque a escola está a traballar con esmero no control hixiénico sanitario", condición necesaria para educar aos nenos, engadiu.

E se un alumno debe facer corentena, o Executivo dará unha solución: "Imos deixar que o Goberno pense e traballe. Hai algunhas fórmulas abertas, como o plan 'Cóidame', así que imos deixar que o Goberno consolide as súas propostas".

"Se por algo se caracterizou este goberno é polo feito de que desde o principio da pandemia vén atendendo ás necesidades das familias, en múltiples ámbitos", defendeu.