O coronavirus en Galicia segue acelerando, pero cada vez menos desde hai dúas semanas

O coronavirus continúa crecendo en Galicia. Afortunadamente, non de forma exponencial, como na primavera; pero si de forma ininterrompida.

As cifras de hoxe son malas. Non pésimas, sobre todo porque por vez primeira en catro días non se chega aos 300 novos contaxios, pero aínda así resultan preocupantes.

O menor número de positivos detectados está influído pola menor cantidade de probas deste domingo. O SERGAS fixo 3.751  o domingo, fronte ao rango de 4.500 - 5.000 que viña realizando o resto de xornadas da pasada semana.

A consecuencia é que dispárase a taxa de positividade ata o 7,22% , unha das maiores rexistradas . Hai que lembrar que a OMS estima no 5% o máximo de positivos para poder dicir que o virus está controlado. Na última semana, variou entre o 8,2  e o 5,6%. 

Tamén hai datos que permiten algo de optimismo. É certo que o COVID-19 acelera, pero esta aceleración é cada vez menor.

Podémolo ver claramente na gráfica que mide a porcentaxe de cambio. Os casos activos están a aumentar un 5,8% cada día, cando a mediados de agosto estaban a aumentar un 13% cada día, de acordo á media móbil a sete días, que nos permite ver as tendencias sen as distorsión produto de cifras excepcionais dunha determinada xornada.  Onte, creceron un 4,5%, a mellor cifra desde o mes de agosto. 

Que nos permite estimar todas estas cifras?

• O coronavirus segue crecendo en Galicia, cada  día aparecen máis contaxios que altas
• Galicia está a evitar o crecemento exponencial, de feito aceleración do virus leva unhas semanas relaxándose
• O SERGAS leva semanas realizando bastantes máis PCRs mediante cribados, pero nin aínda así logramos alcanzar o ansiado 5% de positividade.

Por áreas sanitarias, Lugo e Santiago volven ser as máis castigadas hoxe, produto de brotes como o de Melide e o da residencia de Outeiro de Rei. A boa noticia é que A Coruña, por fin, parece que está a superar o pico do seu rebrote, hoxe só ten 10 casos activos máis. Información en detalle de a evolución en cada área sanitaria este luns, aquí.

BAIXAN OsINGRESADOS EN HOSPITAL
Do total de pacientes de coronavirus, 17 atópanse en UCI, o mesmo número que unha xornada atrás, e as hospitalizacións en unidades convencionais baixan en 13, ata 124. O resto de casos activos, un total de 3.499, están en seguimento domiciliario.

OUTROS TRES FALECIDOS
Os datos de Sanidade indican que os mortos da pandemia son xa 643 na Comunidade, tres máis dos que constaban no parte do domingo, debido a que nas últimas 24 horas notificáronse tres falecementos: unha muller de 93 anos e un home de 90, ambos os usuarios da residencia do Incio (Lugo), no Hospital Lucus Augusti (HULA); e outra muller de 89 anos no Hospital de Cee (A Coruña).

Así mesmo, ata o momento Galicia contabiliza 12.671 persoas curadas de COVID-19, ao sumar os datos deste luns outras 115 altas. Ademais, Sanidade informa de que xa se realizaron 335.554 probas PCR na Comunidade.